ଆଜି କୋର୍ଟ କାର୍ଯ୍ୟରେ ଯୋଗ ଦେବା ପାଇଁ ବିଜେଡ଼ି ଲିଗାଲ ସେଲ ପକ୍ଷରୁ ନିଷ୍ପତି
ଭୁବନେଶ୍ୱର, ୨୯ ଅକ୍ଟୋବର : ଆଜିଠୁ କୋର୍ଟ କାର୍ଯ୍ୟରେ ଯୋଗ ଦେବା ପାଇଁ ବିଜେଡ଼ି ଲିଗାଲ ସେଲ ପକ୍ଷରୁ ନିଷ୍ପତି ହୋଇଛି । କୋର୍ଟକୁ ପ୍ରବେଶ କଲାବେଳେ ଯଦି ବିରୋଧ କରାଯାଏ ତାର ସାମ୍ନା କରିବା ପାଇଁ ସେଲ ପ୍ରସ୍ତୁତ ଅଛି ବୋଲି ଏହାର ସମ୍ପାଦକ ଅସୀମ ଅମିତାଭ ଦାସ ପ୍ରକାଶ କରିଛନ୍ତି । ସେ କହିଛନ୍ତି ଯେ, ଦୀର୍ଘଦିନ ଧରି କୋର୍ଟ ବନ୍ଦ ରହିବା ଫଳରେ ରାଜ୍ୟର ସାଧାରଣ ଲୋକେ ନ୍ୟାୟ ପାଇବାରୁ ବଂଚିତ ହୋଇଛନ୍ତି । ଏଥିପାଇଁ ମଧ୍ୟ ସେମାନଙ୍କୁ ବହୁ ହଇରାଣ ହରକତ ହେବାକୁ ପଡ଼ୁଛି । କାର୍ଯ୍ୟରେ ଯୋଗଦେବା ପାଇଁ ଏ ସମ୍ପର୍କରେ ମଧ୍ୟ ବାର ଆସୋସିଏସନକୁ ଜଣାଇ ଦିଆଯାଇଛି । ଗତକାଲି ଯେଉଁ ବୈଠକ ଅନୁଷ୍ଠିତ ହୋଇଥିଲା ତାର ବୈଧତା ନ ଥିଲା । ଅନ୍ୟପକ୍ଷରେ ହାଇକୋର୍ଟ ଦେଇଥିବା ନିଦେ୍ର୍ଧଶ ଅନୁଯାୟୀ ପ୍ରତି ଜେଲ ମାନଙ୍କରେ କ୍ୟାମ୍ପ କୋର୍ଟ ଖୋଲାଯିବ । ସେଥିରେ କେବଳ ଜାମିନ ମାମଲା ଶୁଣାଣୀ କରାଯିବ ।
