ବାରିପଦା( ଦିଲ୍ଲୀପ ମହାନ୍ତି) ମହାରାଜା କୃଷ୍ନଚନ୍ଦ୍ର ଉଛ ବିଦ୍ୟାଳୟ ପରିସରରେ ଏକ କ୍ୟାରିଅର କାଉନସେଲିଂ ଅନୁଷ୍ଠିତ ହୋଇଯାଇଅଛି । ଉକ୍ତ ବିଦ୍ୟାଳୟର ପ୍ରଧାନଶିକ୍ଷକ ସୁଦର୍ଶନ ପଣ୍ଡା , ଝାନସୀରାଣୀ ମହିଳା ମହାବିଦ୍ୟାଳୟର ରାଜନୀତି ବିଜ୍ଞାନ ବିଭାଗର ଅଧ୍ୟାପକ ସମରେନ୍ଦ୍ର କୁମାର ବଶା , ଡ. ସରୋଜ କୁମାର ନାୟକ , ଶିକ୍ଷକ ଅମିତାଭ ମିଶ୍ର ,ଅଧ୍ୟାପକ ଅଶୋକ କୁମାର ପୃଷ୍ଟି ପ୍ରମୁଖ ଯୋଗଦେଇ ହାଇସ୍କୁଲ ସାର୍ଟିଫିକେଟ ପରୀକ୍ଷାରେ ଉତ୍ତୀର୍ଣ ହୋଇସାରିବା ପରେ ଛାତ୍ର ଛାତ୍ରୀ ମାନେ କେଉଁ ବିଭାଗକୁ ପସନ୍ଦ କରିବା ଉଚିତ ଓ ତାପଛରେ ଥିବା ରହସ୍ୟ ଓ ପରବର୍ତ୍ତି ପର୍ଯ୍ୟାୟରେ ତାର ସଫଳତା ସଂପର୍କରେ ଆଲୋକପାତ କରିଥିଲେ । ବିଭିନ୍ନ ବୈଷିୟକ ଓ ଧନ୍ଧାମୂଳକ ଶିକ୍ଷାପ୍ରତି ଛାତ୍ର ଛାତ୍ରୀମାନେ କିପରି ଅଧିକ ଆଗ୍ରହ ପ୍ରକାଶ କରିବେ ସେ ସଂପର୍କରେ ବକ୍ତାମାନେ ବିସ୍ତୃତ ଭାବେ ଆଲୋଚନା କରିଥିଲେ । ଶିକ୍ଷକ ଅମୂଲ୍ୟ କୁମ୍ଭକାର , ଉତ୍ପଳ କୁମାର ମହାପାତ୍ର, ରାଜୀବ ଲୋଚନ ଜେନା , ଶଶୀଧର ବିଶ୍ୱାଳ ଓ ମନୋଜ କୁମାର ପରିଡା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିବାରେ ସହେଯାଗ କରିଥିଲେ ।