ଜଗତସିଂହପୁର ତା.09.11.23ରିଖ: ଗତ ପଞ୍ଚାୟତ ନିର୍ବାଚନ 2022 ରେ ଜଗତସିଂହପୁର ଜିଲ୍ଲା ପ୍ରଶାସନ ପକ୍ଷରୁ ନିୟୋଜିତ 178 ଟି ଗାଡି ମାଲିକ ମାନଙ୍କୁ ଏ ପର୍ଯ୍ୟନ୍ତ ସେମାନଙ୍କର ପ୍ରାପ୍ୟ ଅର୍ଥରାଶି ପ୍ରଦାନ କରାଯାଇପାରିନାହିଁ। ଗାଡି ମାଲିକ ମାନଙ୍କ ଦ୍ଵାରା ପ୍ରଦତ୍ତ ବ୍ୟାଙ୍କ ଆକାଉଣ୍ଟ ର ସବିଶେଷ ବିବରଣୀ ଉପଲବ୍ଧ ନଥିବାରୁ ଏହି ଅର୍ଥରାଶି କାର୍ଯ୍ୟାଳୟ ରେ ରହିଅଛି। ରାଜ୍ଯ ନିର୍ବାଚନ କମିଶନ, ଓଡିଶା, ଙ୍କ ନିର୍ଦ୍ଦେଶ କ୍ରମେ ଏହି ଅର୍ଥ, କମିଶନ କୁ 7 ଦିନ ମଧ୍ୟରେ ଫେରସ୍ତ ହୋଇଯିବ। ତେଣୁ ଜିଲ୍ଲା ପ୍ରଶାସନ ତରଫରୁ ଉକ୍ତ 178 ଜଣ ଗାଡି ମାଲିକ ଙ୍କୁ ସେମାନଙ୍କର ସମସ୍ତ ଜରୁରୀ କାଗଜପତ୍ର ସହ ବ୍ୟାଙ୍କ ଆକାଉଣ୍ଟ ର ସବିଶେଷ ବିବରଣୀ ଜିଲ୍ଲା ପଞ୍ଚାୟତ ଅଧିକାରୀ, ଜିଲ୍ଲାପାଳ ଙ୍କ କାର୍ଯ୍ୟାଳୟ ଙ୍କ ପାଖରେ ଆଗାମୀ ତା17.11.23ରିଖ ସୁଦ୍ଧା ପଇଠ କରିବାକୁ ଅନୁରୋଧ କରାଯାଉଅଛି। ଅନ୍ୟଥା ସେମାନେ ଏହି ଦାବି ପାଇଁ ଅନିଚ୍ଛୁକ ବୋଲି ଗ୍ରହଣ କରାଯିବ।ଜରୁରୀ କାଗଜ ର ବିବରଣୀ ନିମ୍ନ ରେ ପ୍ରଦତ୍ତ କରାଗଲା।
1. ଆର. ସି ବୁକ ର ଜେରକ୍ସ
2 .ଗାଡି ମାଲିକ ଙ୍କ ବ୍ୟାଙ୍କ ଆକାଉଣ୍ଟ ଜେରକ୍ସ
3. ଅଧିଗ୍ରହଣ ଓ ରିଲିଭ ର ଅର୍ଡର
4 .ଆଧାର ବା ଭୋଟ ପରିଚୟ ପତ୍ର ର ଜେରକ୍ସ
ସମସ୍ତ କାଗଜପତ୍ର ରେ ଦାବିଦାର ଙ୍କ ହସ୍ତାକ୍ଷର ରହିବା ଆବଶ୍ୟକ।
ଏ ସଂକ୍ରାନ୍ତୀୟ ସମସ୍ତ ତଥ୍ଯ ଜିଲ୍ଲାର ୱେବ୍ ସାଇଟ୍
www.jagatsinghpur.nic.in ରେ ଉପଲବ୍ଧ। ଏଣୁ ଯଥାଶୀଘ୍ର ଏହି ଅର୍ଥ ଗ୍ରହଣ କରିବାକୁ ଗାଡି ମାଲିକ ମାନଙ୍କୁ ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଉଛି।