ପଦ୍ମପୁରରୁ ନିଲ ଦୀପ/ଗୁଜରାଟରୁ ସୁଶାନ୍ତ ପାଢୀ :  ପ୍ରତିବର୍ଷ ଭଳି ଏହି ବର୍ଷ ମଧ୍ୟ ଗୁଜୁରାଟର ଭଦୋଦ୍ରା ସହର ସ୍ଥିତ ଓଏନଜିସି ଅଫିସର କ୍ଲବରେ ବଡ ଧୁମଧାମରେ  ନୂଆଖାଇ ଭେଟ ପାଳନ କରାଯାଇଛି । ପଶ୍ଚିମ ଓଡିଶାର ଗର୍ବ ଓ ପାରମ୍ପରିକ ପର୍ବ ନୂଆଖାଇ ଭେଟଘାଟ କାର୍ଯ୍ୟକ୍ରମକୁ ଭଦୋଦ୍ରାରେ ରହୁଥିବା ପଶ୍ଚିମ ଓଡିଶାର ଜୁହାର ପରିବାର ତରଫରୁ ଆୟୋଜିତ କରାଯାଇଥିଲା । ଏହି ପର୍ବରେ ମୁଖ୍ୟ ଅତିଥି ଭାବେ ବିଶିିଷ୍ଟ ଅଭିନେତା, ନାଟ୍ୟକାର ଓ ସାହିତ୍ୟିକ  ସମ୍ମାନନୀୟ ଶ୍ରୀ ଅଟଳ ବିହାରୀ ପଣ୍ଡା(ସୋନପୁର), ରୁନକୁଝୁମା ସମ୍ବଲପୂରୀ ନୃତ୍ୟ ନେଇ ଯବୁ ଗୀତିକାର, ଗାୟକ, ସଂଗୀତ ନିର୍ଦ୍ଦେଶକ ଶାଶ୍ୱତ କୁମାର  ତପ୍ରିାଠୀ ଏବଂ ପଲ୍ଲବୀ ହୋତା ପ୍ରମୁଖ ଯୋଗଦେଇ ଥିଲେ । ସମ୍ବଲପୁରୀ କପଡାର ପ୍ରଚାର ପ୍ରସାର ଓ ସମ୍ବଲପୁରୀ ଭାଷାରେ ଆୟୋଜିତ ଗୀତରେ ଛୋଟ ପିଲାଙ୍କୁ ନେଇ ଏକ ଫ୍ୟାସନ ସୋ ମଧ୍ୟ ଅନୁଷ୍ଠିତ  ହୋଇଥିଲା,ଯାହା କି ଭଦୋଦ୍ରାର ଲୋକଙ୍କ ମନ ଜିଣିନେଇଥିଲା । ଏହି କ୍ରାର୍ଯ୍ୟକ୍ରମକୁ ଶ୍ରୀ ରମାକାନ୍ତ ସାହୁ, ଶ୍ରୀ ମନୋକ ମିଶ୍ର, ଶ୍ରୀ ଦିଲିପ ମିଶ୍ର, ଶ୍ରୀ ରିତ୍ୱିକ ଷଢଙ୍ଗି, ଶ୍ରୀ ସୁବ୍ରତ ତ୍ରିପାଠୀ, ଶ୍ରୀ ଶୁଶାନ୍ତ ପାଢୀ, ଶ୍ରୀ ଅନନ୍ତ ମିଶ୍ର ଓ ବିଜୟ ବିଶି ପ୍ରମୁଖ ମୁଖ୍ୟ ଭୂମିକା ନେଇ ସୂଚାରୁ ରୂପେ ସମ୍ପର୍ଣ୍ଣ କରିଥିଲେ ।