ବଡଦାଣ୍ଡରେ ଚାଲି ଚାଲି ଗଲେ, ମାନବ ଜାତିର ମଙ୍ଗଳ ପାଇଁ ମହାପ୍ରଭୁଙ୍କୁ ପ୍ରାର୍ଥନା କଲେ
ପୁରୀ (ଅନିମେଶ ପଟ୍ଟନାୟକ): ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ବଡଦାଣ୍ଡରେ ଦୀର୍ଘ ବାଟ ଚାଲିଚାଲି ଶ୍ରୀମନ୍ଦିର ଯାଇଥିବାକୁ ନେଇ ଏବେ ଚାରିଆଡେ ଚର୍ଚ୍ଚା । ଜଣେ ସାଧାରଣ ଜଗନ୍ନାଥ ଭକ୍ତଙ୍କ ପରି ଚାଲି ଚାଲି ଯିବା ପ୍ରତିଟି ଓଡିଆଙ୍କ ହୃଦୟକୁ ସ୍ପର୍ଶ କରିଛି । ଭାରତର ପ୍ରଥମ ନାଗରିକ ଭାବେ ସମଗ୍ର ମାନବ ଜାତିର ମଙ୍ଗଳ କାମ କରିଛନ୍ତି ରାଷ୍ଟ୍ରପତି ।
ଗୁରୁବାର ପୂର୍ବାହ୍ନରେ ମହାମହିମ ପୁରୀ ହେଲିପ୍ୟାଡ ଠାରେ ପହଞ୍ଚିବା ପରେ ପ୍ରଶାସନ ପକ୍ଷରୁ ସ୍ବାଗତ କରାଯାଇଥିଲା । ପରେ ସେ ଶ୍ରୀମନ୍ଦିର ଅଭିମୁଖେ ବାହାରିଯାଇଥିଲେ । ବଡଦାଣ୍ଡ ବଳଗଣ୍ଡି ଠାରୁ ଶ୍ରୀମନ୍ଦିରକୁ ଚାଲି ଚାଲି ଯାଇଥିଲେ ରାଷ୍ଟ୍ରପତି । ଓଡିଆ ରାଷ୍ଟ୍ରପତିଙ୍କୁ ଦେଖିବାକୁ ବଡଦାଣ୍ଡର ଦୁଇ କଡରେ ଲୋକେ ବେସ ଉତ୍ସାହିତ ଥିଲେ । କୁନି କୁନି ସ୍କୁଲ ପିଲା ମାନଙ୍କୁ ହାତ ମିଳାଇ ସେମାନଙ୍କ ସହ ଫଟୋ ଉଠାଇଥିଲେ ରାଷ୍ଟ୍ରପତି । ଶ୍ରୀମନ୍ଦିର ସିଂହଦ୍ୱାରରେ ପହଞ୍ଚିବା ପରେ ସାଷ୍ଟାଙ୍ଗ ପ୍ରଣାମ କରି ଶ୍ରୀମନ୍ଦିର ଭିତରକୁ ପ୍ରବେଶ କରିଥିଲେ ।
ଚତୁର୍ଦ୍ଧାବିଗ୍ରହଙ୍କୁ ଦର୍ଶନ କରି ମୁ ନିଜକୁ ଭାଗ୍ୟବତି ମନେ କରୁଛି । ସମଗ୍ର ମାନବ ଜାତିର ମଙ୍ଗଳ କାମନା କରିଥିବା କଥା ଶ୍ରୀମନ୍ଦିର ଭିଜିଟର ବୁକରେ ନିଜ ହସ୍ତାକ୍ଷରରେ ଲେଖିଛନ୍ତି । ପରେ ମହାରାଜ ଦିବ୍ୟସିଂହ ଦେବଙ୍କ ପରିବାର ସହ ରାଜମହଲରେ ମହାପ୍ରସାଦ ସେବନ କରିଥିଲେ ।
