ଯଶିପୁର: ମୟୂରଭଞ୍ଜ ଜିଲ୍ଲା ଯଶିପୁର ବ୍ଲକ୍ ଅନ୍ତର୍ଗତ ଉସ୍କି ଆଶ୍ରମ ବିଦ୍ୟାଳୟ ପରିସରରେ ଶିକ୍ଷକ ଶ୍ରୀଯୁକ୍ତ ମାନସ ରଞ୍ଜନ ବେହେରାଙ୍କ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ଦେବାନନ୍ଦ ନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭା ଅବସରରେ ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀମତୀ ଲେତ ଜେରାଇ ଓ ସ୍ଥାନୀୟ ସିଆରସିସି କ୍ଷିତିଶ ମହାନ୍ତ ସମ୍ମାନିତ ଅତିଥୀ ଭାବରେ ଯୋଗଦେଇଥିଲେ ।
ଶିକ୍ଷକ ଶ୍ରୀଯୁକ୍ତ ବେହେରା ସ୍ଥାନୀୟ ଅଞ୍ଚଳରେ ଜଣେ ଆଦର୍ଶ ଶିକ୍ଷକ ଭାବରେ ପରିଚିତ ଥିଲେ । ଶ୍ରୀଯୁକ୍ତ ବେହେରା ଙ୍କ ଠାକୁରମୁଣ୍ଡା ବ୍ଲକ ବୋରିଂ ଆଶ୍ରମ ବିଦ୍ୟାଳୟ କୁ ବଦଳି ହୋଇଯାଇଥିବାରୁ ତାଙ୍କ ଉଦ୍ଦେଶ୍ୟ ରେ ବିଦାୟ ସମ୍ବର୍ଦ୍ଧନା ଜଣାଇଥିଲେ ବିଦ୍ୟାଳୟର ଛାତ୍ରଛାତ୍ରୀ ଓ ଶିକ୍ଷକ ଗଣ । ତାଙ୍କର ବୁଦ୍ଧିମତ୍ତା, ସମୟାନୁବର୍ତ୍ତୀ, ଭଲ ଗୁଣ ଜ୍ଞାନ ଯୋଗୁଁ ପିଲାଙ୍କ ପ୍ରିୟପାତ୍ର ହୋଇଥିଲେ ବୋଲି ସଭାରେ ଯୋଗ ଦେଇଥିବା ଅତିଥି, ବିଦ୍ୟାଳୟ ର ଶିକ୍ଷକ ଓ ଛାତ୍ରଛାତ୍ରୀଙ୍କ ମତପ୍ରକାଶ ପାଇଥିଲା । ବିଦ୍ୟାଳୟର ସହକାରୀ ଶିକ୍ଷକ ଶ୍ରୀଯୁକ୍ତ ପୁରନ ମେହେର ସଭା ପରିଚାଳନା କରିଥିବା ବେଳେ ବିଦ୍ୟାଳୟର ଶିକ୍ଷକ ଗଣ ସହଯୋଗ କରିଥିଲେ ।
