ପଦ୍ମପୁର-ପଂଚାୟତ ସମିତି ମହାବିଦ୍ୟାଳୟ ଗାଇସିଲାଟ ରେ ଓଡ଼ିଆ ବିଭାଗରେ ଶେଷବର୍ଷ ଛାତ୍ରଛାତ୍ରୀ ମାନଙ୍କ ବିଦାୟ ସମ୍ମର୍ଦ୍ଧନା ଉତ୍ସବ ବିଭାଗୀୟ ମୁଖ୍ୟ ଡ଼କ୍ଟର ଜୟକେତନ ତ୍ରିପାଠୀଙ୍କ ଅଧ୍ୟକ୍ଷତାରେ ମହାସମାରୋହରେ ଅନୁଷ୍ଠିତ ହୋଇଯାଇଛି । ଦ୍ୱିତୀୟ ଓ ଚତୁର୍ଥ ସେମିଷ୍ଟାରର ଛାତ୍ରଛାତ୍ରୀ ମାନଙ୍କ ଦ୍ୱାରା ଆୟୋଜିତ ସଭାରେ ଅଧ୍ୟାପକ ଅରବିନ୍ଦ ପ୍ରଧାନ ଓ କ୍ରୀଡ଼ାଶିକ୍ଷକ ହେମନ୍ତ କୁମାର ପଂଡ଼ା ଅତିଥି ରୂପେ ଯୋଗ ଦେଇଥିଲେ । । ଅତିଥି ମାନଙ୍କ ଦ୍ୱାରା ମା ସରସ୍ୱତୀଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ପୂଜାର୍ଚନା ପରେ ଛାତ୍ରୀ ଦେବୟନ୍ତୀ, ସୁନନ୍ଦା, ଆନନ୍ଦିନୀ, ରଶ୍ମିତା, ତୃପ୍ତୀମୟୀ, ରଶ୍ମି ପ୍ରମୁଖଙ୍କ ଦ୍ୱାରା ସ୍ୱାଗତ ସଂଗୀତ ପରିବେଷଣ କରାଯାଇଥିଲା । କୁମାରୀ ନିବେଦିତା ଭୋଇ, ରେଣୁକା ପଧାନ ଓ ସୁନନ୍ଦା ଛତର ବଡ଼ ଭାଇଭଉଣୀ ମାନଙ୍କ ଉଦ୍ଦେଶ୍ୟରେ ତାଙ୍କର ବକ୍ତବ୍ୟ ଉପସ୍ଥାପନ କରିଥିଲେ । ଶେଷ ବର୍ଷର ଛାତ୍ରୀ କୁମାରୀ ଜ୍ୟୋସ୍ନାମୟୀ ସାହୁ ତାଙ୍କର ଶ୍ରେଣୀର ପ୍ରତିନିଧିତ୍ୱ କରି ବକ୍ତବ୍ୟ ପ୍ରଦାନ କରିଥିଲେ । ସଭାପତି ଓ ମଂଚାସୀନ ଅତିଥିମାନେ ଛାତ୍ରଛାତ୍ରୀ ମାନଙ୍କୁ ମାର୍ଗଦର୍ଶନ କରି ତାଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ । ଯଶୋବନ୍ତ କୁମ୍ଭାରଙ୍କ ସ୍ୱରଚିତ ବିଦାୟୀ ସଂଗୀତ ସମସ୍ତଙ୍କର ହୃଦୟସ୍ପର୍ଶୀ ହୋଇଥିଲା । ସାଂସ୍କୃତିକ କାର୍ଯ୍ୟକ୍ରମରେ ତୃପ୍ତିମୟୀ, ହରିପ୍ରିୟା, ଶ୍ରୀକାନ୍ତ ଓ ଜ୍ୟୋତି ସୁନ୍ଦର ନୃତ୍ୟ ପରିବେଷଣ କରି ପରିବେଶକୁ ଆହୁରି ସରସସୁନ୍ଦର କରିଥିଲେ । ଉକ୍ତ ସଭା ସଫଳ ହେବା ପଛରେ ରୋହନ, ବିକାଶ, ତାପସ, ଅଙ୍କିତ, ଦମୟନ୍ତୀ ଓ ଲଲିତା ସହ ବହୁ ଛାତ୍ରଛାତ୍ରୀ ତଥା କର୍ମଚାରୀ ସୋମନାଥ ସାହୁ, ଡ଼ୋଲାମଣି ବରିହା, କ୍ଷିରୋଦ୍ର ପୁରୋହିତ ଓ ସୁରେନ୍ଦ୍ର ସାହୁ ଙ୍କୁ ସେମାନଙ୍କ ଅବଦାନ ପାଇଁ ବିଭାଗୀୟମୁଖ୍ୟ ଡ଼କ୍ଟର ଜୟକେତନ ତ୍ରିପାଠୀ ଧନ୍ୟବାଦ ଦେବା ସହ ସଭାସାଙ୍ଗ ଘୋଷଣା କରିଥିଲେ ।