(ନିଶ୍ଚିନ୍ତକୋଇଲି-ଦେବେନ୍ଦ୍ର ଷଡ଼ଙ୍ଗୀ)-ସମଗ୍ର ଭାରତ ପାଇଁ ଗୌରବ ଆଣିଥିବା ଓଡ଼ିଶା ମାଟିର ପ୍ରଥମ ମହିଳା ତଥା ୧୫ତମ ନବ ନିର୍ବାଚିତ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ବିଜୟ ଅବସରରେ ଆଦରଣୀୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ, ନିର୍ମଳ ଶାସନରେ ଅନୁପ୍ରାଣିତ ପୂର୍ବତନ ମନ୍ତ୍ରୀ ତଥା ମାହାଙ୍ଗା ବିଧାୟକ ପ୍ରତାପ ଜେନା ହାର୍ଦ୍ଦିକ ଶୁଭେଚ୍ଛା,ଅଭିନନ୍ଦନ ଓ ଶୁଭକାମନା ଜଣାଇଛନ୍ତି । ରାଷ୍ଟ୍ରପତି ନିର୍ବାଚନରେ ଦ୍ରୌପଦୀଙ୍କ ବୃହତ ବିଜୟ ହୋଇଛି ଏବଂ ସମୁଦାୟ ୫ ଲକ୍ଷ ୭୭ ହଜାର ୭୭୭ ମୂଲ୍ୟର ଭୋଟ ରେ ସେ ବିଜୟ ଲାଭ କରିଛନ୍ତି । ଯାହାକି ସମଗ୍ର ଭାରତବାସୀ ମାନଙ୍କ ସମେତ ଓଡ଼ିଶା ପାଇଁ ଅଧିକ ଗର୍ବ ଓ ଗୌରବ ର ବିଷୟ ବୋଲି ବିଧାୟକ ଶ୍ରୀ ଜେନା ପ୍ରକାଶ କରିଛନ୍ତି । ଏହି ଅବସରରେ ବିଧାୟକ ପ୍ରତାପ ଜେନାଙ୍କ ସମେତ ନିଶ୍ଚିନ୍ତକୋଇଲି ବ୍ଲକ ଅଧକ୍ଷା ରୋଜି ସେଠି , ବ୍ଲକ ଉପାଧ୍ୟକ୍ଷ ଅଶୋକ କୁମାର ଓଝା , ବିଜେଡି ସଭାପତି ରମାକାନ୍ତ ମହାନ୍ତି, ମାହାଙ୍ଗା ବ୍ଲକ ଅଧକ୍ଷା ଦିପା ମଲିକ, ଉପାଧ୍ୟକ୍ଷ ସତ୍ୟନାରାୟଣ ମହାନ୍ତି, ପ୍ରାକ୍ତନ ଅଧକ୍ଷ ଗିରିଶ ରଞ୍ଜନ ମହାପାତ୍ର , ସମାଜସେବୀ ହିମାଂଶୁଶେଖର ମହାନ୍ତି, ବ୍ରଜମୋହନ ପଣ୍ଡା ଙ୍କ ସମେତ ଜିଲ୍ଲାପରିଷଦ, ସରପଞ୍ଚ ଓ ସମସ୍ତ ବିଜେଡି କର୍ମୀମାନେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କୁ ଢ଼େରସାରା ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । ଏହି ଅବସରରେ ମାହାଙ୍ଗା ନିର୍ବାଚନ ମଣ୍ଡଳୀ ବିଜେଡି ଶିବିରରେ ଆନନ୍ଦର ଲହରୀ ଖେଳିଯାଇଛି ।