ପଦ୍ମପୁର(ଶାସକପ୍ରଶାସକ)-ରୋଟାରୀ କ୍ଳବ ଅଫ ଭୂବନେଶ୍ୱର ୟୁନିକର ଅଧିଷ୍ଠାନ ଦିବସ ମାଷ୍ଟର କ୍ୟାଣ୍ଟିନ ସ୍ଥିତ ହୋଟେଲ ସ୍ବସ୍ତି ଗ୍ରାଣ୍ଡରେ ପାଳିତ ହୋଇଯାଇଛି । ଏହି ଅବସରରେ ନାଲକୋର ମହାପ୍ରବନ୍ଧକ ଆଶୁତୋଷ ରଥ ମୁଖ୍ୟ ଅତିଥି ଭାବରେ ଯୋଗଦେଇ ଥିଲେ । ଏହି ଅବସରରେ ସମାଜର ବିକାଶ ପାଇଁ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯାଇଥିଲା । ପଦ୍ମପୁର ମାଟିର ସୁଯୋଗ୍ୟ ସନ୍ତାନ ତଥା ପରୋପକାରୀ ହରିଶଙ୍କର ଅଗ୍ରୱାଲ (ନବୁ)ଙ୍କୁ ବିଶିଷ୍ଟ ସେବା ପାଇଁ କ୍ଳବ ପକ୍ଷରୁ ସମ୍ମାନିତ କରାଯାଇଥିଲା । ହରିଶଙ୍କର ଅଗ୍ରୱାଲ (ନବୁ) ହେଉଛନ୍ତି ଜଣେ ପରୋପକାରୀ ମଣିଷ । ସେ ସବୁବେଳେ ଲୋକଙ୍କ ସମସ୍ୟା ସମୟରେ ଠିଆ ହୋଇ ସହଯୋଗ କରିଥାନ୍ତି । କରୋନା ମହାମାରୀ ସମୟରେ ନବୁ ଅଗ୍ରୱାଲ ମାକ୍ସ,ସାନିଟାଇଜର ତଥା ଗରିବ ଲୋକଙ୍କୁ ଶୁଖିଲା ଖାଦ୍ୟ ବଣ୍ଟନ କରିଥିଲେ ।