ଠିପିଖୋଲା ବିଦେଶୀ ମଦ ଦୋକାନ ଖୋଲିବା ପାଇଁ ଅନୁମତି ନ ଦେବାକୁ ଦାବୀ ।
ପଦ୍ମପୁର(ଶାସକପ୍ରଶାସକ)- ପାଇକମାଲ ସହର ନୄସିଂହନାଥ ପିଠ ପାଇଁ ଓଡ଼ିଶାର ବିଭିନ୍ନ ସ୍ଥାନରେ ବେଶ ପରିଚିତ । ପାଇକମାଲ ସହରର ମୁଖ୍ୟ ଛକ ନିକଟରେ ଏକ ଠିପିଖୋଲା ବିଦେଶୀ ମଦ ଦୋକାନ ବା ମଦ ବାର ପାଇଁ ଅବକାରୀ ବିଭାଗ ପକ୍ଷରୁ ପ୍ରସ୍ତାବ ରହିଛି । ଏହି ପ୍ରସ୍ତାବିତ ଠିପିଖୋଲା ବିଦେଶୀ ମଦ ଦୋକାନ ନିକଟରେ ସରକାରୀ ବେସରକାରୀ ବିଦ୍ୟାଳୟ ରହିଛି । ଏହି ରାସ୍ତାରେ ପ୍ରତିଦିନ ଛୋଟଛୋଟ ପିଲା ତଥା ଉଚ୍ଚ ବିଦ୍ୟାଳୟ ର ଛାତ୍ରଛାତ୍ରୀସ୍କୁଲ ଯିବା ଆସିବା କରିଥାନ୍ତି । ଏତଦ୍ବ୍ୟତୀତ ପ୍ରସ୍ତାବିତ ହୋଇଥିବା ମଦ ଦୋକାନ ଜାଗା ନିକଟରେ ସର୍ବସାଧାରଣଙ୍କ ବ୍ୟବହାର ପାଇଁ ଗୋଟିଏ ପୋଖରି ତଥା ଜନବସତି ଓ ଦେବାଳୟ ରହିଛି । ଯେଉଁଠି ଲୋକମାନଙ୍କ ଯିବା ଆସିବା ଲାଗି ରହିଥାଏ । ଏହି ସ୍ଥାନରେ ଠିପିଖୋଲା ମଦ ଦୋକାନ ଖୋଲିଲେ ଅଞ୍ଚଳରେ ବିଶୄଙ୍ଖଳା ବଢ଼ିବାର ଆଶଙ୍କା ରହିଛି । ତେଣୁ ଏହି ପ୍ରସ୍ତାବିତ ଠିପିଖୋଲା ବିଦେଶୀ ମଦ ଦୋକାନକୁ ପାଇକମାଲ ସହର ତଥା ଜନବସତି ଅଞ୍ଚଳବାସୀ ବିରୋଧ କରୁଛନ୍ତି ଏବଂ ମଦ ଦୋକାନ ଖୋଲିବା ପାଇଁ ଅନୁମତି ନ ଦେବାକୁ ଦାବି କରିଛନ୍ତି ।
