(ନିଶ୍ଚିନ୍ତକୋଇଲି-ଦେବେନ୍ଦ୍ର ଷଡ଼ଙ୍ଗୀ) : କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ସୁକରପଡା ଡ଼ାକବଙ୍ଗଳା ଠାରେ ସାଲେପୁର ଉପ ଡାକ ମଣ୍ଡଳ ର ପରିଦର୍ଶକ ଶ୍ରୀଯୁକ୍ତ ଅଭିରାମ ପତିଙ୍କୁ ସାଥି ଡାକ କର୍ମ ଚାରି ଓ ଡାକ ବିଭାଗର କେତେକ ଉପରିସ୍ଥ ଅଫିସର ମାନଙ୍କ ଉପସ୍ଥିତିରେ ଆନୁଷ୍ଠାନିକ ଭାବେ ବିଦାୟୀ କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଜିଗ୍ନିପୁର ଶାଖା ର ଡାକପାଳ ଶ୍ରୀଯୁକ୍ତ ଗୌତମ ଦାସ ଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଓଡିଶା ଡାକ ଜୀବନବୀମା ପ୍ରବନ୍ଧକ ଶ୍ରୀଯୁକ୍ତ ସର୍ବେଶ୍ୱର ମିଶ୍ର ମୁଖ୍ୟ ଅତିଥିଭାବେ ଯୋଗଦାନକାରୀ ବିଦାୟୀ ଅଭିରାମ ପତିଙ୍କୁ ଡାକସେବା ବିଭାଗର ଜଣେ କର୍ତ୍ତବ୍ୟନିଷ୍ଠା , ଅଭିଜ୍ଞତା ସମ୍ପର୍ଣ୍ଣ, ଅମାୟୀକ ଡାକ କର୍ମଚାରୀ ନଥିଲେ ବରଂ ଜଣେ ସେବାକାରୀ ଭାବେ ଲୋକଙ୍କ ନିକଟରେ ସର୍ବଦା ନିକଟତର ହୋଇ ଏକ ନିଆରା ପରିଚୟ ସୃଷ୍ଟି କରିଥିଲେ । ସମ୍ମାନିତ ଅତିଥିଭାବେ ବରିଷ୍ଠ ଡାକ ଅଧିକ୍ଷକ ସତ୍ୟବାଦୀ ବିଶ୍ୱାଳ, ସାଲେପୁର ଡାକ ନିରିକ୍ଷକ ସୁଜାତା ବେହେରା , ଭାରତୀୟ ରେଳ ଡାକସେବା କଟକ ର ଶ୍ରୀଯୁକ୍ତ ବିଶ୍ୱଜିତ କର ଯୋଗଦାନ କରି ଶ୍ରୀଯୁକ୍ତ ପତିଙ୍କର ସମର୍ପିତ ସେବାକୁ ଭୁୟସୀ ପ୍ରଶଂସା କରିଥିଲେ । ସେହିପରି ରାହାଣିଆ ଶାଖା ଡାକପାଳ ଶ୍ରୀଯୁକ୍ତ ବିନୋଦ କୁମାର ମଲ୍ଲିକ ଙ୍କ ବିୟୋଗରେ ଶୋକ ବ୍ୟକ୍ତ କରିବା ସହିତ ଦୁଇ ମିନିଟ ନୀରବ ପ୍ରାର୍ଥନା କରିଥିଲେ । ପରେ ପରେ ଅବସରକାଳୀନ ସଭାରେ ସଭାପତି ଗୌତମ ଦାସଙ୍କ ଅନୁମୋଦନ କ୍ରମେ ହରିରାଜପୁର ଡାକପାଳିକା ଅଲିଭା ତ୍ରିପାଠୀ ଅତିଥି ପରିଚୟ ପ୍ରଦାନ କରି ଥିଲେ । ଉକ୍ତ ସଭାକୁ ସଫଳ କରାଇବାରେ ତପନ ମଲ୍ଲିକ, ଉମେଶ ପଣ୍ଡା, ବ୍ରଜ କିଶୋର ସାହୁ, ମିନୋଲି ମହାପାତ୍ର, ଦେବାଶିଷ କର, ଭବାନୀ ପୃଷ୍ଟି, ପ୍ରସାଦ ସାହୁ, ଫକୀର ଦାସ, ଧର୍ମେନ୍ଦ୍ର ଦାସ ସହଯୋଗ କରିଥିଲେ । ଶେଷରେ ରଘୁନାଥ ସାହୁ ଅନୁଷ୍ଠାନ ତରଫରୁ ଧନ୍ୟବାଦ ଅର୍ପଣ କରିଥିଲେ ।