ଘୁ.ଉଦୟଗିରି (ଗଗନ କୁମାର ପ୍ରଧାନ): କନ୍ଧମାଳ ଜିଲ୍ଲାର ସଦର ମହକୁମା ଠାରେ ଏକ ଅଭାବନୀୟ ଘଟଣା ଘଟିଛି I ଫୁଲବାଣୀ ପୋୖର ପରିଷଦ ଅନ୍ତର୍ଗତ ୧୧ ନଂ ୱାର୍ଡ ଅଧିନସ୍ଥ ତ୍ରିଦେଵ ନଗର ଠାରେ ଘର ପଛପଟ ଥିବା ପାଚେରୀ ଭୁଶୁଡି ପଡିବାରୁ ଗୋଟିଏ ପରିବାରର ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇ ଛନ୍ତି I ସୂଚନାଯୋଗ୍ୟ ଆଜି ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଅପରାହ୍ଣ ୪ ଟା ବେଳେ। ତ୍ରିଦେଵ ନଗରର ବାସୀନ୍ଧା ବ୍ରଜବନ୍ଧୁ ମାଝୀଙ୍କ ପୁଅ, ଝିଅ ଓ ବ୍ରଜବନ୍ଧୁ ସ୍ତ୍ରୀ ବର୍ଷା ହେଉଥିବା ବେଳେ ଘରେ ଖାଉଥିଲେ I ଏହି ସମୟରେ ତାଙ୍କ ଘର ପଛ ପଟ ରହୁଥିବା ଅନ୍ୟ ବ୍ୟକ୍ତି ଙ୍କର ପାଚେରୀ ଭୁଶୁଡି ବ୍ରଜବନ୍ଧୁ ଙ୍କର ଘର ଉପରେ ପଡିଥିଲା I ଯାହାରି ଫଳରେ ଘର ଭିତରେ ବ୍ରଜବନ୍ଧୁ, ତାଙ୍କ ସ୍ତ୍ରୀ ସରିତା, ୫ବର୍ଷର ଝିଅ ୩ ବର୍ଷର ପୁଅ ଚାପି ହୋଇ ଯାଇଥିଲେ I ଘଟଣା ସମ୍ପର୍କରେ ଅଞ୍ଚଳବାସୀ ଅଗ୍ନିଶମ ବାହିନୀକୁ ଜଣାଇଥିଲେ I ଖବର ପାଇ ଅଗ୍ନିଶମ ବାହିନୀ ଓ ଟିମ ହ୍ୟୁମାନିଟ ଘଟଣା ସ୍ଥଳରେ ପହଞ୍ଚି ପରିବାର ସମସ୍ତ ସଦସ୍ୟଙ୍କୁ ପଥର ଓ ମାଟିକାଦୁଅ ଭିତରୁ ଉଦ୍ଧାର କରି ଚିକିତ୍ସା ନିମନ୍ତେ ଫୁଲବାଣୀ ବଡ଼ ମେଡ଼ିକାଲକୁ ପଠାଇଥିଲେ I ମେଡ଼ିକାଲରେ ବ୍ରଜବନ୍ଧୁଙ୍କ ସ୍ତ୍ରୀ ସରିତା ମାଝୀ (୪୨) ଓ ଝିଅ ସ୍ମୃତି ମାଝୀ (୫)ଙ୍କ ମୃତ୍ୟୁ ହୋଇଥିବା ବେଳେ ବ୍ରଜବନ୍ଧୁ (୫୨) ଓ ପୁଅ ରହନ ମାଝୀ ୩ ଗୁରୁତର ଥିବା ଜଣାପଡିଛି । ଏହି ଅଭାବନୀୟ ଘଟିଥିବା ଯୋଗୁଁ ଫୁଲବାଣୀ ସହରରେ ଶୋକର ଛାୟା ଖେଳିଯାଇଛି I