ପଦ୍ମପୁର(ନୀଳ ଦୀପ)- ପଦ୍ମପୁର ବ୍ଲକ ଜ୍ଞାନ ପଂଚାୟତ  ଅନ୍ତର୍ଗତ ଖଲିଆମୁଣ୍ଡା ଗ୍ରାମର ଅଙ୍ଗନବାଡି କେନ୍ଦ୍ରରେ ଗତ ତା.୨୮.୨.୨୦୦୯ର ମସିହାରେ ସେହି ଗ୍ରାମର ଶାରିରୀକ ଅକ୍ଷମ ନିରୁପମା ସାହୁଙ୍କୁ ଅଙ୍ଗନବାଡି କର୍ମୀ ଭାବରେ ନିଯୁକ୍ତି ଦିଆଯାଇଥିଲା  । କିନ୍ତୁ ଏହାର ଦୀର୍ଘ ସାଢେ ପାଂଚ ବର୍ଷ ପରେ ନିରୁପମାଙ୍କୁ ଗ୍ରାମର ମୁଳବାସ୍ିନ୍ଦା ହୋଇ ନ ଥରବା ଅଭିଯୋଗ କରି ତାଙ୍କୁ ଗତ ତା. ୧୨.୬.୧୪ରେ କାର୍ଯ୍ୟରୁ ଅନ୍ତର କରାଯାଇଥିଲା ଏବଂ ଏହି ବିଷୟରେ କୋର୍ଟରେ ମାମଲା ବିଚାରାଧିନ ରହିଛି  । କିନ୍ତୁ ଏହି ମଧ୍ୟରେ ଖଲିଆମୁଣ୍ଡା ଗ୍ରାମର ଅଙ୍ଗନବାଡି କର୍ମୀ ପାଇଁ ନୁତନ ଭାବରେ ବିଜ୍ଞପ୍ତି ପ୍ରକାଶ ପାଇ ଥିବାରୁ ନିରୁପମା ନିଜ ପରିବାର ସହ ସୋମବାର ଦିନ ପଦ୍ମପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ ଆରମ୍ଭ କରିଥିଲେ  । ପରେ ପଦ୍ମପୁର ଉପଜିଲ୍ଲାପାଳ ନିରୁପମାଙ୍କ ଦାବୀ ଉପରେ ଉପଯୁକ୍ତ ତଦନ୍ତ କରି ତୁନ୍ତ ପଦକ୍ଷେପ ନେବା ପାଇଁ ପ୍ରତିଶୃତି ଦେବା ପରେ ଅନଶନ ପ୍ରତ୍ୟାହାର ହୋଇଥିଲା  ।