ପଦ୍ମପୁର-ଗରିବ ଅସହାୟଙ୍କ ଦୁଃଖ ବୁଝି ଯେ ପାରିଛି ସେ ଭଗବାନ ସମାନ । ଭଗବାନଙ୍କ ଦେବଦୂତ ଭଲି ଗରିବ ଅସହାୟ ଲୋକଙ୍କ ଅସୁବିଧା ସମୟରେ ଠିଆ ହୋଇଥାନ୍ତି ପଦ୍ମପୁର ବ୍ଳକ ଟାଲ ମାଟିର ସୁଯୋଗ୍ୟ ସନ୍ତାନ ତଥା ପ୍ରଶାସନିକ ଅଧିକାରୀ ଶ୍ରୀଯୁକ୍ତ ମହେନ୍ଦ୍ର ବଢ଼େଇ । ନିଜ ଅଞ୍ଚଳ ହେଉ ଅବା ସୁଦୁର ରାଜଧାନୀ ଯେଉଁଠି ଯାହାର କୌଣସି ସମସ୍ୟା ବିଷୟରେ ଅବଗତ ହୁଅନ୍ତି ସେ ସବୁବେଳେ ସହଯୋଗର ହାତ ବଢାଇଥାନ୍ତି । ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ଡୁଡୁକିଝରିଆ ଗାଁର ରାଇମତୀ ମାଝୀ ଜନ୍ମରୁ ଚାଲି ପାରନ୍ତି ନାହିଁ । ରାଇମତୀଙ୍କ ବିଷୟରେ ଖବର ପାଇ ଶ୍ରୀ ବଢେଇ ଏକ ହ୍ବିଳଚେୟାର ପ୍ରଦାନ ପାଇଁ ସ୍ଥାନୀୟ ଯୁବଗୋଷ୍ଠୀ ସହ ଯୋଗାଯୋଗ କରିଥିଲେ ଏବ ହ୍ବିଳଚେୟାର ପଠେଇ ଦେଇଥିଲେ । ପଙ୍କଜ କୁମାର ବାଗ,ବିଶ୍ବନାଥ ବାଗ,ରୁକ୍ମଣ ଧରୁଆ, ସୁରେନ୍ଦ୍ର ପ୍ରଧାନ, ରମେଶ ତ୍ରିପାଠୀ, ଗଣେଶ ପ୍ରଧାନ ପ୍ରମୁଖ ହ୍ବିଳଚେୟାର ପ୍ରଦାନରେ ସହଯୋଗ କରିଥିଲେ ।