ଓଡ଼ଗାଁ(ଶ୍ରୀକାନ୍ତ କୁମାର ମିଶ୍ର): ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଆନୁକୁଲ୍ୟରେ ଅନୁଷ୍ଠିତ ୧୦ମ ଶ୍ରେଣୀ ପରୀକ୍ଷାରେ ଓଡ଼ଗାଁ ଥାନ ନୂଆଗାଁ ବ୍ଳକ ସୋମନାଥ ଦେବ ବିଦ୍ୟାପୀଠ ହରିପୁରର କୃତି ଛାତ୍ରଛାତ୍ରୀମାନଙ୍କୁ ସ୍ଥାନୀୟ ଜନପ୍ରତିନିଧି ଓ ଶିକ୍ଷାବିତ ମାନେ ସମ୍ବର୍ଦ୍ଦିତ କରିଥିଲେ । ଶନିବାର ଦିନ ଅନୁଷ୍ଠିତ ଏକ ସ୍ୱତନ୍ତ୍ର ସମ୍ବର୍ଦ୍ଧନା କାର୍ଯ୍ୟକ୍ରମରେ ସ୍ଥାନୀୟ ସରପଂଚ ଜିତେନ୍ଦ୍ର ଖଟୁଆ, ଅନୁଷ୍ଠାନର ଶିକ୍ଷକ ଶିକ୍ଷୟିତ୍ରୀ, ସ୍କୁଲ କମିଟି ସଦସ୍ୟ ବିରଂଚି ନାରାୟଣ ସାହୁ, ଶିକ୍ଷାବିତ୍ ତ୍ରିନାଥ ମିଶ୍ର, ଶିକ୍ଷାପ୍ରେମୀ ଓ ସମାଜସେବୀ ବାସୁଦେବ ଖଟୁଆ ମିଷ୍ଟାନ୍ନ ବଂଟନ କରିବା ସହିତ ଏହି ବିଦ୍ୟାପୀଠରୁ ଏ ୧ ଗ୍ରେଡରେ ପାସ କରିଥିବା ଛାତ୍ରଛାତ୍ରୀଙ୍କୁ ପୁଷ୍ପଗୁଚ୍ଛ ଓ ଉତରୀୟ ଦେଇ ସମ୍ବର୍ଦ୍ଧିତ କରିଥିଲେ ।