ଓଡ଼ଗାଁ(ଶ୍ରୀକାନ୍ତ କୁମାର ମିଶ୍ର): ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଅନୁକୁଲ୍ୟରେ ଆୟୋଜିତ ୨୦୨୨ ଦଶମ ଶ୍ରେଣୀ ପରୀକ୍ଷାଫଳ ପ୍ରକାଶ ପାଇଥିବା ବେଳେ ଓଡ଼ଗାଁ ବ୍ଳକ ସରକାରୀ ରଘୁନାଥ ବିଦ୍ୟାପୀଠର ଛାତ୍ର ଦିବ୍ୟେଶ କୁମାର ପାଣିଗ୍ରାହୀ ୫୭୫ ମାର୍କ ରଖି ଓଡ଼ଗାଁ ବ୍ଳକ ଟପର ହୋଇଛନ୍ତି । ତାଙ୍କର ସଫଳତା ପାଇଁ ରଘୁନାଥ ବିଦ୍ୟାପୀଠର ଶିକ୍ଷକ ଶିକ୍ଷୟତ୍ରୀ ଏବଂ ବିଭିନ୍ନ ଅନୁଷ୍ଠାନର ଶିକ୍ଷାପ୍ରେମୀମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ସେହିପରି ଏହି ବିଦ୍ୟାଳୟର ଆୟୁଷ ରୋସନ ୫୭୪ ନମ୍ବର ରଖି ଓଡ଼ଗାଁ ବ୍ଳକରେ ଦିତୀୟ ସ୍ଥାନ ଅଧିକାର କରିଥିବା ବେଳେ ରାଧାକାନ୍ତ ବାଳିକା ଉଚ୍ଚ ବିଦ୍ୟାଳୟର ଛାତ୍ରୀ ଗାୟତ୍ରୀ ପଣ୍ଡା ୫୭୦ ନମ୍ବର ରଖି ୩ୟ ସ୍ଥାନ ଅଧିକାର କରିଛନ୍ତି । ବ୍ଳକ ଟପର ମାନଙ୍କ ସହିତ ସମସ୍ତ କୃତି ଛାତ୍ର ଛାତ୍ରୀମାନଙ୍କୁ ଓଡ଼ଗାଁ ବ୍ଳକ ଅଧ୍ୟକ୍ଷ ଲୋକନାଥ ସାହୁ ଶୁଭେତ୍ସା ଜଣାଇବା ସହିତ ଉତରୋତର ସଫଳତା କାମନା କରିଛନ୍ତି ।