ନିଶ୍ଚିନ୍ତକୋଇଲି(ଦେବେନ୍ଦ୍ର ଷଢଙ୍ଗୀ): ନିଶ୍ଚିନ୍ତକୋଇଲି ବ୍ଲକ ଦାଉଦପୁର ଗ୍ରାମପଂଚାୟତ ନଇଁଗୁଆ ଦାଉଦପୁର ଉଚ୍ଚ ବିଦ୍ୟାଳୟରେ ୨୦୨୨ ବାର୍ଷିକ ହାଇସ୍କୁଲ ସାର୍ଟିଫିକେଟ ପରୀକ୍ଷାରେ ସମାଜସେବୀ ତଥା ଚାଷୀ ଦିଲ୍ଲିପ କୁମାର ମହାନ୍ତିଙ୍କ କନ୍ୟା ଲିପ୍‌ସା ମହାନ୍ତି ବିଦ୍ୟାଳୟର ସମସ୍ତ ପିଲାଙ୍କ ମଧ୍ୟରେ ୫୫୭ ମାର୍କ ରଖି ଏ-୧ ଗ୍ରେଡ଼ରେ ଉତୀର୍ଣ୍ଣ ହୋଇଛନ୍ତି । ଲିପସା ଦୈନିକ ୧୦ ରୁ ୧୨ ଘଂଟା ଅକ୍ଲାନ୍ତ ପରିଶ୍ରମ କରି ସଫଳତା ହୋଇପାରିଛନ୍ତି ବୋଲି ମତପ୍ରକାଶ କରିଛନ୍ତି । ଏହି ସଫଳତା ପାଇଁ ଲିପ୍‌ସା ପ୍ରଥମେ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଙ୍କ ସମେତ ନିଜ ପରିବାରର ସମସ୍ତ ଗୁରୁଜନ ମାନଙ୍କୁ ଶ୍ରେୟ ଦେଇଛନ୍ତି । ଭବିଷ୍ୟତରେ ଲିପ୍‌ସା ଜଣେ ଡ଼କ୍ଟର ହୋଇ ଗରିବ, ଅସହାୟ,ଜନସାଧାରଣଙ୍କୁ ସ୍ୱାସ୍ଥ୍ୟ ସେବା ଯୋଗାଇଦେବେ ବୋଲି ଆମ ପ୍ରତିନିଧିଙ୍କୁ କହିିଛନ୍ତି । ଲିପ୍‌ସାଙ୍କ ଏହି ସଫଳତା ପାଇଁ ନଇଁଗୁଆ ଦାଉଦପୁର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଅଶୋକ କୁମାର ସ୍ୱାଇଁ ଙ୍କ ସମେତ ସମସ୍ତ ଶିକ୍ଷକ ଶିକ୍ଷୟିତ୍ରୀ,ଲିପ୍‌ସା ପରିବାରର ସମସ୍ତ ସଦସ୍ୟବୃନ୍ଦ ଏବଂ ସ୍ଥାନୀୟ ଗ୍ରାମବାସୀମାନେ ଅନେକ ଅନେକ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ।