ବାସୁଦେବପୁର/ ପ୍ରତାପ ପାଢ଼ୀ : ବର୍ଷା ଦିନ ଆସୁ ଆସୁ ଜଳବନ୍ଦୀରେ ପୌରବାସିନ୍ଦା । ଏମିତି ଏକ ଅଭାବନୀୟ ପରିସ୍ଥିତିରେ କାଳ କାଟୁଛନ୍ତି ଭଦ୍ରକ ଜିଲ୍ଲାର ଦ୍ବିତୀୟ ବୃହତ୍ତମ ପୌରାଞ୍ଚଳ ବାସୁଦେବପୁରର ଅଧିବାସୀ ମାନେ । ପୋରପାଳିକାର 11,12 ନମ୍ବର ୱାର୍ଡ । ପୌରାଞ୍ଚଳର ଏକ ପ୍ରମୁଖ ଅଞ୍ଚଳ । ଏହି ଅଞ୍ଚଳରେ ବାସୁଦେବପୁର ପୌରପାଳିକାର ନବ ନିର୍ବାଚିତ ଅଧ୍ୟକ୍ଷାଙ୍କ ସମେତ ଜିଲ୍ଲା ପରିଷଦ ସଭ୍ୟା ବାରିକ, ବିଜେପି ର ପୂର୍ବତନ ବିଧାୟକ ପ୍ରାର୍ଥୀ ଓ ବହୁ ମାନ୍ୟଗଣ୍ୟ ବ୍ୟକ୍ତିଙ୍କ ବାସଗୃହ ମଧ୍ୟ ରହିଛି ।
କିନ୍ତୁ ଏପରିସ୍ଥଳେ ଘୋର ଲଜ୍ୟା ଓ ପରିତାପର ବିଷୟ ସାମାନ୍ୟ ବର୍ଷା ରେ ଉବୁଟୁବୁ ହୋଇ ଉଠୁଛି ଏହି ଅଞ୍ଚଳର କିଛି ନୁଆଣିଆ ସ୍ଥାନ ଓ କିଛି ମୁଖ୍ୟ ରାସ୍ତା । ଫଳରେ ଉପୁଜୁଛି ଜଳବନ୍ଦୀ ଅବସ୍ଥା । ସାଧାରଣ ଲୋକ ଟିଏ ଘରୁ ବାହାରି ବାରେ ସମସ୍ୟା । କିଛି ଲୋକଙ୍କ ଘରେ ମଧ୍ୟ ପାଣି ପଶିବା ଅବସ୍ଥା । ଏପରିକି ପୌରାଧ୍ୟକ୍ଷାଙ୍କ ଘର ନିକଟରେ ଥିବା ଜଗନ୍ନାଥ ମନ୍ଦିର ରାସ୍ତାରେ ଖେଳୁଛି ପାଣି । ଏପରି କୃତ୍ରିମ ବନ୍ୟାରେ କିଛି ପରିବାର ଏବେ ଜଳବଦୀରେ ଭୋଗୁଛନ୍ତି ନାହିଁ ନଥିବା ଦୁର୍ଦ୍ଦଶା ।
ଆଗକୁ ଆସୁଛି ବର୍ଷା ଦିନ । ଏପରିସ୍ଥଳେ ଘରୁ ବାହାରିବା ତାଙ୍କ ପାଇଁ ହେଇପଡିଛି ଯନ୍ତ୍ରଣା ଦାୟକ । ଜଳ ନିଷ୍କାସନର କୋଣସି ବ୍ୟବସ୍ଥା ନାହିଁ । ପୋର ପ୍ରଶାସନ ଯଦି ଏଥି ପ୍ରତି ଦୃଷ୍ଟି ନଦିଅନ୍ତି ଆଗାମୀ ଦିନରେ ଏହି ଅବସ୍ଥା ସାଙ୍ଘାତିକ ପରିସ୍ଥିତି ସୃଷ୍ଟି କରିବା ସହିତ ବହୁତ ବିପଦରେ ପଡିବେ ବୋଲି କହିଛନ୍ତି ସେଠାକାର କିଛି ଅଞ୍ଚଳ ବାସିନ୍ଦା ।