ଭୁବନେଶ୍ୱର: ଅନ୍ତର୍ଜାତୀୟ ଯୋଗ ଦିବସ ଅବସରରେ ଭାରତୀୟ ସେନା ମୁଖ୍ୟାଳୟ ଛତିଶଗଡ-ଓଡିଶା ପକ୍ଷରୁ ଗତକାଲି ରାୟପୁର ସ୍ଥିତ ସେଣ୍ଢ ହ୍ରଦ କୂଳରେ ଥିବା ସମ୍ମାନଜନକ "ସୌଭାଗ୍ୟଂ " ଧ୍ୟାନ କେନ୍ଦ୍ରରେ ଯୋଗ ଶିବିର ଅନୁଷ୍ଠିତ ହୋଇଯାଇଛି । ପ୍ରାୟ 250 ରୁ ଅଧିକ ଅଧିକାରୀ, ଯବାନ ଏବଂ ନାଗରିକ ପ୍ରତିରକ୍ଷା କର୍ମଚାରୀ ସେମାନଙ୍କ ପରିବାର ସହିତ ଏହି ଯୋଗ ଶିବିରରେ ସକ୍ରିୟ ଅଂଶଗ୍ରହଣ କରିଥିଲେ |
ଏହି କାର୍ଯ୍ୟକ୍ରମରେ ଦିଲ୍ଲୀର ମୋରାର୍ଜୀ ଦେଶାଇ ଯୋଗ ପ୍ରତିଷ୍ଠାନରେ ତାଲିମ ପ୍ରାପ୍ତବିଶେଷଜ୍ଞ ଯୋଗ ପ୍ରଶିକ୍ଷକ କିର୍ତ୍ତୀ ଗୁପ୍ତାନେତୃତ୍ୱ ନେଇଥିଲେ । ଏହି ଅବସରରେ ଶ୍ରୀମତୀ ଗୁପ୍ତା କହିଥିଲେ ଯେ, “ଫିଟ୍ ରହିବା ପାଇଁ ଯୋଗ ହେଉଛି ଚାବି କାଠି ଏବଂ ମନକୁ ଚାପମୁକ୍ତ ରଖିବା ପାଇଁ ଏହାକୁ ପ୍ରତିଦିନ ଅଭ୍ୟାସ କରିବା ଆବଶ୍ୟକ”। ଶ୍ରୀମତୀ କିର୍ତ୍ତୀ ଗୁପ୍ତା ନିଜେ ଜଣେ ସେନା ଅଧିକାରୀଙ୍କ ପତ୍ନୀ । ଭାରତୀୟ ସେନା ଆମର ସୀମା ରକ୍ଷା କରିବା ପାଇଁ ଏକ ଯୁଦ୍ଧ ଶକ୍ତି ଭାବରେ ପ୍ରତିବଦ୍ଧତା ଏବଂ ଉତ୍ସାହର ପ୍ରତୀକ ଭାବେ କାର୍ଯ୍ୟ କରିଥାନ୍ତି । ସେଥିପାଇଁଭାରତୀୟ ସେନାକୁ ଫିଟନେସର ପ୍ରତୀକ ଭାବରେଅନେକ ବିବେଚନା କରିଥାନ୍ତି । ଭାରତୀୟ ସେନା ସର୍ବଦା ଜାତୀୟ ବିଷୟ ସହିତ ଜଡିତ ରହିଆସିଛି। ଲୋକମାନଙ୍କୁ ଯୋଗ ମାଧ୍ୟମରେ ଏକ ସୁସ୍ଥ ଜୀବନଶୈଳୀ ଗ୍ରହଣ କରିବା ଉପରେ ଅନ୍ତର୍ଜାତୀୟ ଯୋଗ ଦିବସ ଧ୍ୟାନ ଦେଇଥାଏ ବୋଲି ଶ୍ରୀମତୀ ଗୁପ୍ତା ପ୍ରକାଶ କରିଥିଲେ । ‘କୋସା’ ତରଫରୁ ଆୟୋଜିତ ଯୋଗ ଦିବସର ଅଷ୍ଟମ ସଂସ୍କରଣ, ଆମ ମଧ୍ୟରେ ସଚେତନତା ଏବଂ ଉତ୍ସାହ ସୃଷ୍ଟି କରିବ ଏବଂ ଅନ୍ୟମାନଙ୍କୁ ଏକ ସୁସ୍ଥ ଜୀବନ ଶୈଳୀ ଅନୁସରଣ କରିବାକୁ ପ୍ରେରଣା ଯୋଗାଇବ ବୋଲି କୋସାର ଜଣେ ବରିଷ୍ଠ ସେନା ଅଧିକାରୀ କହିଛନ୍ତି।
ମୁଖ୍ୟାଳୟ ନୟା ରାୟପୁରରେ ଅବସ୍ଥିତ, ‘କୋସା’ ହେଉଛି ସର୍ବୋଚ୍ଚ ସାମରିକ ମୁଖ୍ୟାଳୟ ଯାହା ଛତିଶଗଡ ଏବଂ ଓଡିଶାରେ ସେନା ସହ ଜଡିତ ପ୍ରଶାସନର ତଦାରଖ କରୁଛି । ଅତୀତରେ, ସେନା ସହିତ ସାଧାରଣ ନାଗରିକଙ୍କୁ ସଂଯୁକ୍ତ କରିବା ଏବଂ ରାଜ୍ୟ ସରକାରଙ୍କ ସହ ସମନ୍ୱୟ ରକ୍ଷା କରି ପୂର୍ବତନ ସେବାୟତମାନଙ୍କୁ ସାହାଯ୍ୟ କରିବା ପାଇଁ କୋସା ଅନେକ ପଦକ୍ଷେପ ନେଇଛି ।