କାଶୀପୁର ରୁ ବୈକୁଣ୍ଠ ଦୁରିଆ: କାଶୀପୁର ସଦର ମହକୁମା ହନୁମାନ ମନ୍ଦିର ପ୍ରାଙ୍ଗଣରେ ଆଜି ବ୍ଲକ ବହୁଜନ ସମାଜ ପାର୍ଟି ପକ୍ଷରୁ ଏକ ବଡ଼ ଧରଣର କର୍ମ ସମ୍ମିଳନୀ କାର୍ଯ୍ୟକ୍ରମ ଅନୁଷ୍ଠିତ ହେଇଯାଇଛି ।
କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ରାଜ୍ୟ ସଭାପତି ଟଂକଧର ବାଘ ଯୋଗ ଦେଇଥିବାବେଳେ ସମ୍ମାନିତ ଅତିଥି ମଧ୍ୟରୁ ରାଜ୍ୟ ପ୍ରଭାରୀ ଚମ୍ପାଲାଲ ଟୁଙ୍ଗାରିଆ ରାଜ୍ୟ ସମ୍ପାଦକ ଦେବୀ ଚରଣ ଭାଟି ଓ ଜିଲ୍ଲା ସଭାପତି ଜିତୁ ଜାକାଶିକା ପ୍ରମୁଖ ମଞ୍ଚଆସିନ ଥିଲେ ।
କାର୍ଯ୍ୟକ୍ରମ ରେ ଆଗାମୀ ସାଧାରଣ ନିର୍ବାଚନ କୁ ଦୃଷ୍ଟିରେ ରଖି ବାବା ସାହେବ ଆମ୍ବେଦକର ଙ୍କର ଚିନ୍ତାଧାରା କୁ ବାସ୍ତବରେ ପରିଣତ କରିବା ପାଇଁ ବିଏସପି ଦଳ କୁ ସୁଦୃଢ଼ କରିବା ନିମନ୍ତେ ଦଳର ସଂଗଠନ ଓ ସୁପରିଚାଳନା ସହ ଅଞ୍ଚଳ ଅବହେଳିତ ଓ ନିଷ୍ପେସିତ ଲୋକଙ୍କୁ ଏକତ୍ରିତ କରିବାକୁ ବିସ୍ତୃତ ଭାବେ ରେ ଆଲୋଚନା କରାଯାଇଥିଲା । ପରବର୍ତ୍ତୀ ସମୟରେ ନୂତନ ଭାବେ ବ୍ଲକ ସଭାପତି ଦାଇତ୍ୱ ନେଇଥିବା ଦଳର ବିସମ୍ବର ନାଏକ ଙ୍କୁ ଅତିଥି ମାନଙ୍କ ଦ୍ୱାରା ସମ୍ବର୍ଦ୍ଧନା କରାଯିବା ସହିତ ବିଶିଷ୍ଟ ଯୁବ ସମାଜ ସେବୀ ତଥା ୧୦୮ ଆମ୍ବୁଲାନ୍ସ ର ଜଣେ ଡ୍ରାଇଭର ପରୀକ୍ଷିତକୁମାର ନାଏକ ଙ୍କୁ ଅଞ୍ଚଳ ରେ ଅତୁଳନୀୟ ସ୍ୱାସ୍ଥ୍ୟ ସେବା ନିମନ୍ତେ ଦଳ ପକ୍ଷରୁ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମ କୁ ବ୍ଲକ ସଭାପତି ବିସମ୍ବର ନାଏକ ସମ୍ପୂର୍ଣ୍ଣ ଭାବେ ପରିଚାଳନା କରିଥିବାବେଳେ ଦଳର ଶତାଧିକ ଅନ୍ୟ କର୍ମୀ ମାନଙ୍କ ମଧ୍ୟରୁ ସଞ୍ଜୀବ ନାଏକ ,ସରୋଜ ନାଏକ ,ଡମ୍ବଣି ଜାନୀ, ବନିତା ମାଝି , ମନୋରଞ୍ଜନ ଟାକ୍ରି , ବିଶେଇ କୂଳଦୀପ ପ୍ରମୁଖ ଉପସ୍ଥିତ ଥିଲେ ।