ମଞ୍ଜୁଲତା କହଁର ହେଲେ ଭୁବନେଶ୍ୱର ମହାନଗର ନିଗମର ଡେପୁଟି ମେୟର
ଭୁବନେଶ୍ୱର (ଶାସକ ପ୍ରଶାସକ): ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ବିଜୁ ଜନତା ଦଳ ଭୁବନେଶ୍ୱର ମହାନଗର ନିଗମ ନୂତନ ଡେ଼ପିଟି ମେୟର ଆସନରେ ଜଣେ ମହିଳାଙ୍କୁ ନିଯୁକ୍ତି ଦେଇଛି | ଦଳଦ୍ବାରା ମନୋନୀତ ମଞ୍ଜୁଲତା କହଁର ନିର୍ବିରୋଧ ଭାବେ ଭୁବନେଶ୍ୱର ମହାନଗର ନିଗମର ଡେପୁଟି ମେୟର ନିର୍ବାଚିତ ହୋଇଛନ୍ତି | ମେୟର ପଦବୀ ଯେହେତୁ ମହିଳାଙ୍କ ପାଇଁ ସଂରକ୍ଷିତ ରହିଲା, ଅନେକ କର୍ପୋରେଟର ଡେପୁଟି ମେୟର ହେବା ପାଇଁ ଆଶା ବାନ୍ଧି ବସିଥିଲେ | ସେମାନଙ୍କ ପକ୍ଷରୁ ବିଭିନ୍ନ ମହଲରେ ଲବି ଜୋରଦାର ହୋଇଥିଲା | ହେଲେ ପ୍ରମୁଖ ତଥା ପୁରୁଖା କର୍ପୋରେଟରଙ୍କୁ ଆପାତତଃ ବିଶ୍ୱାସକୁ ନେଇପାରିନି ଦଳ | ମହିଳା ମେୟର ନିର୍ବାଚିତ ହୋଇଥବା ସତ୍ତ୍ୱେ ଆଉ ଜଣେ ମହିଳା କର୍ପୋରେଟରଙ୍କ ଉପରେ ଡେପୁଟି ମେୟର ପଦ ପାଇଁ ଭରସା ବା ଆସ୍ଥା ପ୍ରକଟ କରିଛି ଦଳ | ବିଏମସି ୨୨ନମ୍ବର ୱାର୍ଡର ବିଜେଡିର ନବ ନିର୍ବାଚିତା କର୍ପୋରେଟର ମଞ୍ଜୁଲତା ଆଜି ଭୁବନେଶ୍ୱର ମହାନଗର ନିଗମର ଡେପୁଟି ମେୟର ଭାବେ ନିର୍ବାଚିତ ହୋଇଛନ୍ତି।
