ବରଗଡ :- ଆସନ୍ତା ମେ ମାସ ୧୨ ତାରିଖ ରୁ ୧୬ ତାରିଖ ପର୍ୟ୍ଯନ୍ତ ପ୍ରସିଦ୍ଧ ତୀର୍ଥକ୍ଷେତ୍ର ଶ୍ରୀ ଶ୍ରୀ ନୃସିଂହନାଥ ମହାପ୍ରଭୁଙ୍କ ମନ୍ଦିର ପରିସରରେ ମହାପ୍ରଭୁଙ୍କ ଜନ୍ମୋତ୍ସବ ତଥା ପ୍ରସିଦ୍ଧ ବୈଶାଖ ମେଳା ତିଥି ଅନୁସାରେ ପାଳନ କରାଯିବ । ଏଠାରେ ସୂଚନାଯୋଗ୍ୟ ଯେ ଗତ 2020 ଓ 2021 ମସିହାରେ କୋରୋନା କଟକଣା କାରଣରୁ ବୈଶାଖ ମେଳାର ଆୟୋଜନ କୁ ବାତିଲ କରାଯାଇଥିଲା । ଚଳିତ ଥର ମେଳାରେ ପ୍ରବଳ ଭିଡ ହେବାର ଅନୁମାନ କରାଯାଉଛି । ମେଳାର ସୁପରିଚାଳନା ଓ ଆନୁସଙ୍ଗିକ ବ୍ୟବସ୍ଥା ପାଇଁ ଆସନ୍ତା 19 ତାରିଖ ଦିନ ପଦ୍ମପୁର ଉପଜିଲ୍ଲାପାଳ ଙ୍କର ଅଧ୍ୟକ୍ଷତାରେ ରେ ଏକ ପ୍ରସ୍ତୁତି ବୈଠକର ଆୟୋଜନ ସ୍ଥିର ହୋଇଛି । ପ୍ରବଳ ଖରା ସହିତ ପ୍ରବଳ ଭିଡ କୁ ବ୍ୟବସ୍ଥିତ ପରିଚାଳନା କରିବା ପ୍ରଶାସନ ପାଇଁ ଏକ ବଡ଼ ଚେଲେଞ୍ଜ ଭାବରେ ଉଭାହେବ । ତେବ ଦୁଇ ବର୍ଷ ପରେ ଚଳିତ ବର୍ଷ ବୈଶାଖ ମେଳା ହେଉଥିବାରୁ ଭକ୍ତ , ଶ୍ରଦ୍ଧାଳୁ , ପର୍ଯଟକ ଓ ସ୍ଥାନୀୟ ଲୋକେ ଅତ୍ୟନ୍ତ ପ୍ରସନ୍ନ ଥିବା ଅନୁମାନ କରାଯାଉଛି ।