ଭୁବନେଶ୍ୱର : ଓଡିଶା କଂଗ୍ରେସରେ ପରିବର୍ତ୍ତନ ଦରକାର ଓ ନେତାଙ୍କ ଉପରେ ଉତ୍ତରଦାୟିତ୍ୱ ଧାର୍ଯ୍ୟ ହେବା ଦରକାର ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ସୁରେଶ କୁମାର ରାଉତରାୟ ।
ଶ୍ରୀ ରାଉତରାୟ କହିଛନ୍ତି ଯେ, ଓଡିଶା କଂଗ୍ରେସରେ ଉପରୁ ତଳ ଯାଏ ପରିବର୍ତ୍ତନ ଦରକାର । ଯୁବ ସମାଜକୁ ଦାୟିତ୍ୱ ଦେବା ସହ ସଭ୍ୟ ସଂଗ୍ରହ ତ୍ୱରାନ୍ୱିତ କରିବା ଆବଶ୍ୟକତା ରହିଛି । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ସ୍ୱତନ୍ତ୍ର ଟିମ ପଠାଇ ଦଳର ସ୍ଥିତି ସମୀକ୍ଷା କରିବା ସହ ଦଳ କାହିଁକି ପଂଚାୟତ ଓ ଅର୍ବାନ ନିର୍ବାଚନରେ କାହିଁକି ହାରିଲୁ ତା ଉପରେ ତଥ୍ୟ ସଂଗ୍ରହ କରିଛନ୍ତି । ପିସିସି ସଭାପତି ବଦଲିବ କି ନ ବଦଳିବ ସେ ଉପରେ କଂଗ୍ରେସ ଅଧ୍ୟକ୍ଷା ନିଷ୍ପତ୍ତି ଖୁବ ଶୀଘ୍ର ନେବେ ବୋଲି କଂଗ୍ରେସ ବିଧାୟକ ତଥା ବରିଷ୍ଠ କଂଗ୍ରେସ ନେତା ଶ୍ରୀ ରାଉତରାୟ ମତବ୍ୟକ୍ତ କରିଛନ୍ତି ।
