ରାଉରକେଲା(ବସନ୍ତ କୁମାର ଜେନା); ସୁନ୍ଦରଗଡ ଜିଲ୍ଲାର ବିଭିନ୍ନ ସ୍ଥାନରେ ଶନିବାର ଦିନ ଦୁର୍ଘଟଣା ଘଟି ଅନ୍ୟୁନ ୧୨ ଜଣ ଆହତ ହୋଇଛନ୍ତି। ରାଜଗାଙ୍ଗପୁର ଥାନା ଅନ୍ତର୍ଗତ କାଂଶବାହାଲ ଫାଣ୍ଡି ନିକଟ ୧୦ ନମ୍ବର ରାଜ୍ୟ ରାଜପଥରେ ଏକ ଘରୋଇ ବସ ଦୁର୍ଘଟଣାରେ ୫ ଜଣ ଆହତ ହୋଇଥିଲେ।
ପ୍ରଥମେ ବସ ଏକ ଇଟା ବୋଝେଇ ଟ୍ରାକ୍ଟରକୁ ଧକ୍କା ମାରିବା ପରେ ଏକ କାର ଏବଂ ଅଟୋ କୁ ଧକ୍କା ମାରିଥିଲା। ଫଳରେ ୫ ଜଣ ଆହତ ହୋଇଥିଲେ। ୩ ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ରାଉରକେଲା ଜେ ପି ହସପିଟାଲ ପଠାଯାଇଥିଲା। ସେହିପରି ଲହୁଣୀପଡା ଥାନା ଅଞ୍ଚଳରେ ଦୁଇଟି ପୃଥକ ପୃଥକ ଦୁର୍ଘଟଣାରେ ୯ ଜଣ ଆହତ ହୋଇଛନ୍ତି। ତୁମକେଲା ନିକଟରେ ଦୁଇଟି ବାଇକ ମଧ୍ୟରେ ଧକ୍କା ହୋଇ ୪ ଜଣ ଆହତ ହୋଇଥିଲେ। ସେହିପରି ରାଜାମୁଣ୍ଡା ସତସଂଙ୍ଗ କେନ୍ଦ୍ର ନିକଟରେ ଟିପର , ବାଇକ , କାର ମଧ୍ୟରେ ଦୁର୍ଘଟଣା ଘଟି ୫ ଜଣ ଆହତ ହୋଇଥିଲେ। ସମସ୍ତ ଦୁର୍ଘଟଣାର ପୋଲିସ ତଦନ୍ତ କରୁଛି।