ଅସ୍ତରଙ୍ଗ(ଦୁଃଶାସନ ନାୟକ) ପୁରୀଜିଲା ଅସ୍ତରଙ୍ଗ ବ୍ଲକର ଉପାଧ୍ୟକ୍ଷ ନିର୍ବାଚନ ବୁଧବାର ଦିନ ଶାନ୍ତି ଶୃଙ୍ଖଳା ସହ ଶେଷ ହୋଇଛି । ଏହି ଉପଲକ୍ଷେ ବ୍ଲକ ସମିଳନୀ କକ୍ଷରେ ବ୍ଲକ ଅଂଚଳର 15 ଗୋଟି ଗ୍ରାମପଂଚାୟତର ସମିତିସଭ୍ୟ ଏକାଠି ହେଲା ପରେ ଶାସକ ଦଳ ତରଫରୁ ଶିଶୁଅ ଜିପିର ସମିତିସଭ୍ୟ ଆରତୀ କାଣ୍ଡି ଓ ମିଳିତ ମେଣ୍ଟ ତରଫରୁ ଦୁର୍ଜ୍ଜୟ ମିଶ୍ର ବ୍ଲକ ଉପାଧ୍ୟକ୍ଷ ପଦ ପାଇଁ ପ୍ରାର୍ଥୀପତ୍ର ଦାଖଲ କରିଥିଲେ । ଦୁଇ ଜଣ ପ୍ରାର୍ଥୀଥିବାରୁ ଭୋଟ ଗ୍ରହଣ କରାଯାଇଥିଲା । ଶେଷରେ ଭୋଟ ଗଣତି ପରେ ଜଣା ପଡିଲା ଯେ, ଆରତୀ ସାତ ଖଣ୍ଡ ଭୋଟ ପାଇଥିବା ବେଳେ ଶ୍ରୀ ମିଶ୍ର ଆଠ ଖଣ୍ଡ ଭଟ ପାଇଛନ୍ତି । ଅସ୍ତରଙ୍ଗ ତହସିଲଦାର ରାଜଲକ୍ଷ୍ମୀ ନାୟକ ଶ୍ରୀ ମିଶ୍ରଙ୍କୁ ବ୍ଲକ ର ଉପାଧ୍ୟକ୍ଷ ଭାବେ ବିଜୟୀ ହୋଇଥିବା ଘୋଷଣା କରିଥିଲେ । ଏଠାରେ ପ୍ରକାଶ ଯୋଗ୍ୟ ଯେ ,ଶ୍ରୀ ମିଶ୍ର ତୃଣମୂଳ ସ୍ତରରୁ କଂଗ୍ରେସ ଦଳରେ ରହି ବିଭିନ୍ନ ସମାଜସେବା କରି ଲୋକଙ୍କର ବିଶ୍ୱାସ ଭାଜନ ହେବା ସହ ବର୍ତମାନ ସେ କେନ୍ଦ୍ରାପଟି ଜି ପିର ର ସମିତି ସଭ୍ୟ ରହିଛନ୍ତି |