ଅଞ୍ଚଳବାସୀଙ୍କ ସୁଖ ଦୁଃଖର ସାଥି "ଟିଟୁଆଭାଇ"ଙ୍କ ବିଜୟରେ ଆନନ୍ଦର ଲହରୀ ।
ନିଶ୍ଚନିଶ୍ଚିନ୍ତକୋଇଲି (ଦେବେନ୍ଦ୍ର ଷଡ଼ଙ୍ଗୀ) : ନିଶ୍ଚିନ୍ତକୋଇଲି ବ୍ଲକ ତଥା ସମଗ୍ର ମାହାଙ୍ଗା ନିର୍ବାଚନ ମଣ୍ଡଳୀରେ ମନ୍ତ୍ରୀ ପ୍ରତାପ ଜେନାଙ୍କ ଆଦର୍ଶରେ ଅନୁପ୍ରାଣିତ ଜଣେ କାର୍ଯ୍ୟଦକ୍ଷ ଯୁବନେତା ସୁଖ ଦୁଃଖର ସାଥୀ ତଥା ପୂର୍ବତନ ବ୍ଲକ ଅଧ୍ୟକ୍ଷା ସବିତା ଓଝାଙ୍କ ପ୍ରତିନିଧି ଅଶୋକ କୁମାର ଓଝା(ଟିଟୁଆଭାଇ) ନିଶ୍ଚିନ୍ତକୋଇଲି ବ୍ଲକରେ ନିର୍ଦ୍ୱନ୍ଦରେ ଉପାଧ୍ୟକ୍ଷ ଭାବେ ବିଜୟ ଲାଭ କଲାପରେ ସମସ୍ତ ପଞ୍ଚାୟତବାସୀଙ୍କ ମନରେ ଆନନ୍ଦର ଲହରୀ ଖେଳିଯାଇଛି। ଶ୍ରୀ ଓଝା ଦିନ ହେଉକି ରାତି ହେଉ, ବର୍ଷା ହେଉକି ଖରା, ଝଡ଼ ହେଉକି ବାତ୍ୟା ସବୁବେଳେ ସବୁ ସମୟରେ ମନ୍ତ୍ରୀ ପ୍ରତାପ ଜେନାଙ୍କ ସହ ରହି ଲୋକମାନଙ୍କ ସୁଖ ଦୁଃଖର ସାଥୀ ପାଲଟିଥାନ୍ତି । ଯାହାପାଇଁ ଶ୍ରୀ ଓଝାଙ୍କ ପ୍ରତି ନିଶ୍ଚିନ୍ତକୋଇଲି ବ୍ଲକ ଅଞ୍ଚଳର ବୁଦ୍ଧିଜୀବୀ,ବରିଷ୍ଠ ନାଗରିକ, ଯୁବପିଢି,ମାଆ,ଭଉଣୀ ଙ୍କ ସମେତ ସମଗ୍ର ଅଞ୍ଚଳବାସୀଙ୍କ ସ୍ନେହ,ଶ୍ରଦ୍ଧା,ଭଲପାଇବା ଏବଂ ଆର୍ଶିବାଦ ରହିଥିବାରୁ ବହୁଥର ବିଜୟର ଟୀକା ପିନ୍ଧିଆସିଛନ୍ତି । ସେହିପରି ଭାବେ ଆଜି ଉପାଧ୍ୟକ୍ଷ ନିର୍ବାଚନ ରେ ନିର୍ଦ୍ୱନ୍ଦରେ ବିଜୟ ଲାଭ କରି ରେକର୍ଡ ସୃଷ୍ଟି କରିପାରିଛନ୍ତି । ତେବେ ବିଜୁ ଜନତା ଦଳରେ ମନ୍ତ୍ରୀ ପ୍ରତାପ ଜେନାଙ୍କ ବିକାଶମୂଳକ କାର୍ଯ୍ୟ ପାଇଁ ସର୍ବୋପରି ଶ୍ରୀ ଓଝାଙ୍କ ପ୍ରତି ସମସ୍ତଙ୍କର ଆଶିର୍ବାଦ ରହିଥିବାରୁ ନିର୍ଦ୍ୱନ୍ଦରେ ବିଜୟ ଲାଭ କରି ଉପାଧ୍ୟକ୍ଷ ଆସନ ଗ୍ରହଣ କରିପାରିଛନ୍ତି । ଅପରପକ୍ଷରେ ଶ୍ରୀ ଓଝା ଜଣେ ସମାଜସେବୀ, ଭଦ୍ର,ଶିକ୍ଷିତ,ପରୋପକାରୀ,ଯୁବନତା ଭାବେ ସ୍ଥାନୀୟ ଅଞ୍ଚଳରେ ସମସ୍ତଙ୍କର ପ୍ରିୟଭାଜନ ହୋଇପାରିଛନ୍ତି , ଯାହାପାଇଁ ଶ୍ରୀ ଓଝା ନିଶ୍ଚିନ୍ତକୋଇଲି ବ୍ଲକ ଉପାଧ୍ୟକ୍ଷ ଭାବେ ବିଜୟ ଲାଭ କରିବା ପରେ ବିଜୁ ଜନତା ଦଳ କର୍ମୀମାନଙ୍କ ସହ ସ୍ଥାନୀୟ ଅଞ୍ଚଳବାସୀଙ୍କ ମନରେ ଆନନ୍ଦର ଲହରୀ ଖେଳିଯାଇଥିବାର ପରିଲକ୍ଷିତ ହୋଇଛି । ତେବେ ଶ୍ରୀ ଓଝା ଉପାଧକ୍ଷ ଭାବେ ଜିତିବା ପରେ ଲୋକମାନଙ୍କ ସହିତ ଥିଲି ରହିବି ଏବଂ ଲୋକମାନଙ୍କ ପାଇଁ ବିକାଶମୂଳକ କାର୍ଯ୍ୟ କରି ନିଶ୍ଚିନ୍ତକୋଇଲି ବ୍ଲକକୁ ସମଗ୍ର ବ୍ଲକ ମଧ୍ୟରେ ୧ନଂ ବ୍ଳକରେ ଗଢିତୋଳିବେ ବୋଲି ପ୍ରକାଶ କରିଛନ୍ତି ।
