ରଣପୁରରେ ମନ୍ତ୍ରୀ ଅରୁଣ ସାହୁଙ୍କ ନିର୍ବାଚନ ପ୍ରଚାର
ରଣପୁର/ ପ୍ରସନ୍ନ ସାମନ୍ତରାୟ : ସାରା ଓଡିଶା ରେ ଆସନ୍ତା 24 ତାରିଖ ରେ ପୋୖରନିର୍ବାଚନ ଅନୁଷ୍ଠିତ ହେବାକୁ ଯାଉଥିବା ବେଳେ ନୟାଗଡ ଜିଲ୍ଲା ରଣପୁର ବିଜ୍ଞାପିତ ଅଞ୍ଚଳ ପରିଷଦରେ ନିର୍ବାଚନ ପାଇଁ ପ୍ରଚାର ଜୋରଦାର କରାଯାଇଛି | ସୋମବାର ରଣପୁର ବିଜ୍ଞାପିତ ଅଞ୍ଚଳ ପରିଷଦ ସ୍ଥିତ ପଞ୍ଚୁଦୋଳ ପଡିଆ ଠାରେ ବିଜୁ ଜନତା ଦଳ ତରଫରୁ ଏକ ପ୍ରଥପାନ୍ତ ନିର୍ବାଚନ ସଭା ଅନୁଷ୍ଠିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବେ ରାଜ୍ୟ ଉଚ୍ଚଶିକ୍ଷା ଓ କୃଷି ମନ୍ତ୍ରୀ ଡ଼ଃ ଅରୁଣ କୁମାର ସାହୁ ଯୋଗ ଦେଇ ରଣପୁର ବିଜ୍ଞାପିତ ଅଞ୍ଚଳ ପରିଷଦ ର 15ଟି ୱାର୍ଡ ର ବିଜୁ ଜନତା ଦଳ ସମର୍ଥିତ ସମସ୍ତ କାଉସିଲର ପ୍ରାର୍ଥୀ ପ୍ରାର୍ଥୀନୀଙ୍କ ସହିତ ଚେୟାରମ୍ୟାନ ପ୍ରାର୍ଥୀନୀ ରଙ୍ଗିନୀ ମହାନ୍ତିଙ୍କୁ ଶଙ୍ଖ ଚିହ୍ନରେ ଭୋଟ ଦେଇ ବିଜୟୀ କରିବା ପାଇଁ ନିବେଦନ କରିଥିଲେ | ଏହା ସହିତ ନିଜ ଭାଷଣରେ ରାଜ୍ୟ ସରକାରଙ୍କ ଭୁରି ଭୁରି ପ୍ରଶଂସା କରିବା ସହିତ ସାରା ଦେଶରେ ନବୀନ ଶ୍ରେଷ୍ଠ ମୁଖ୍ୟମନ୍ତ୍ରୀ ବୋଲି କହିଛନ୍ତି | ଓଡିଶା ବିକାଶ ରେ ମୁଖ୍ୟ ନାୟକ ନବୀନ ପଟ୍ଟନାୟକ ବୋଲି ଉପସ୍ଥିତ କର୍ମୀ ମାନଙ୍କୁ କହିବା ସହ ବିଜୁ ଜନତା ଦଳ ପ୍ରାଥୀ ଙ୍କୁ ଭୋଟ ଦେଇପୂର୍ଣ୍ଣ ମାତ୍ରା ରେ ବିଜୟୀ କଲେ ରଣପୁର ବିଜ୍ଞାପିତ ଅଞ୍ଚଳର ବିକାଶ ହୋଇପାରିବ ବୋଲି କହିଥିଲେ |
ଏହି ପ୍ରଥପ୍ରାନ୍ତ ନିର୍ବାଚନ ସଭା ରେ ରଣପୁର ବିଧାୟକ ସତ୍ୟନାରାୟଣ ପ୍ରଧାନଙ୍କ ସହିତ ନୟାଗଡ ଜିଲ୍ଲା ପରିଷଦ ଅଧକ୍ଷ ଦେବାଶିଷ ପଟ୍ଟନାୟକ ଏବଂ ନୟାଗଡ ଜିଲ୍ଲା ସମସ୍ତ ବିଜୟୀ ଜିଲ୍ଲା ପରିଷଦ ସଭ୍ୟଙ୍କ ସମେତ ସମସ୍ତ 15ଟି ୱାର୍ଡ ର କାଉନସିଲର ଏବଂ ଚେୟାରମ୍ୟାନ ପ୍ରାର୍ଥୀ ରଙ୍ଗୀନ ମହାନ୍ତି ଉପସ୍ଥିତ ଥିଲେ | ରଣପୁର ବିଜ୍ଞାପିତ ଅଞ୍ଚଳ ପରିଷଦର ହଜାର ହଜାର ସଂଖ୍ୟାରେ ମହିଳା ଓ ଯୁବ ବିଜୁଜନତା ଦଳର କର୍ମୀ ଏହି ପଥପ୍ରାନ୍ତ ସଭାରେ ଯୋଗ ଦେଇଥିଲେ |
