ନୟାଗଡ(ବିଶ୍ଵଜିତ ନାୟକ) - ନୟାଗଡ଼ ପୈାର ପରିଷଦ ନିର୍ବାଚନ ପାଇଁ ଆଜି ନାମାଙ୍କନ ଦାଖଲ ଶେଷ ହୋଇଛି । ରାଜନୈତିକ ଛକାପଞ୍ଝା ମଧ୍ୟରେ ଚାଲିଥିବା ପୈାର ନିର୍ବାଚନ ବେଶ୍ ରୋଚକ ସ୍ଥିତି ସୃଷ୍ଟି କରିଛି । ବିରୋଧିଙ୍କୁ ଚକମା ଦେବା ପାଇଁ ନାମାଙ୍କନର ଶେଷ ପର୍ଯ୍ୟାୟରେ ବିଜେଡି ପ୍ରାର୍ଥୀ ନାମାଙ୍କନ ଦାଖଲ କରିଥିଲେ । ନୟାଗଡ଼ ପୈାର ପରିଷଦ ଅଧ୍ୟକ୍ଷା ପଦ ପାଇଁ ୪ ଜଣ ପ୍ରାର୍ଥୀ ନାମାଙ୍କନ ଭରିଥିବା ଦେଖାଯାଇଛି । ବିଜେଡିରୁ ନିରୂପମା ଖଟେଇ, କଂଗ୍ରେସରୁ ସ୍ୱାଗତିକା ନାୟକ, ବିଜେପିରୁ ତନୁଶ୍ରୀ ସାମଲ ଏବଂ ସ୍ୱାଧିନ ଭାବେ ସୁସ୍ମିତା ଷଡ଼ଙ୍ଗୀ ନାମାଙ୍କନ ଦାଖଲ କରିଛନ୍ତି । ଏଥିସହିତ ମୋଟ ୪୫ ଜଣ ପ୍ରାର୍ଥୀ ୧୬ଟି ୱାର୍ଡ଼ କାଉନସିଲର ପଦବୀ ପାଇଁ ନାମାଙ୍କନ କରିଥିବା ସୂଚନା ମିଳିଛି । ସେମାନଙ୍କ ମଧ୍ୟରେ ବିଜେଡିରୁ ସମସ୍ତ ୧୬ ୱାର୍ଡରେ ତା ପ୍ରାର୍ଥୀ ଦେଇଥିବା ବେଳେ ବିଜେପିରୁ ଗୋଟିଏ ଓ କଂଗ୍ରେସ ୭ଟି ୱାର୍ଡରେ ପ୍ରାର୍ଥୀ ଦେଇପାରିନାହାନ୍ତି | ୫ ଜଣ ସ୍ୱାଧିନ ପ୍ରାର୍ଥୀ ରହିଥିବା ଜଣାପଡିଛି ।