ରଣପୁର:ନୟାଗଡ଼ ଜିଲ୍ଲାରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ବୁଧବାର ଠାରୁ ପ୍ରଚାର ଶେଷ ହୋଇଛି । ନିର୍ବାଚନ କମିସନଙ୍କ ନିୟମାନୁସାରେ ୩୬ ଘଣ୍ଟା ପୂର୍ବରୁ ପ୍ରଚାର ବନ୍ଦ ହୋଇଛି । ଦ୍ୱିତୀୟ ପର୍ଯ୍ୟାୟରେ ନୟାଗଡ଼ ଜିଲ୍ଲା ରଣପୁର ବ୍ଲକରେ ଆସନ୍ତା ୧୮ ତାରିଖ ସକାଳ ୭ଟାରେ ନିର୍ବାଚନ ଅନୁଷ୍ଠିତ ହେବ । ରଣପୁର ବ୍ଲକରେ ୪ଟି ଜିଲ୍ଲା ପରିଷଦ ଜୋନ୍‌ ୩୭ ପଞ୍ଚାୟତ ସରପଞ୍ଚ ଓ ସମିତିସଭ୍ୟ ଏବଂ ୫୧୭ ୱାର୍ଡ ରହିଛି । ରଣପୁର ବ୍ଲକରେ ୧ ଲକ୍ଷ ୨୫ ହଜାର ୧୮୯ ଭୋଟର ମତଦାନ କରିବେ । ନିର୍ବାଚନକୁ ସଠିକ୍ ଭାବେ ପରିଚାଳନା କରିବାକୁ ବୁଧବାର ପୋଲିଂ କର୍ମଚାରୀମାନେ ବୁଥ୍‌କୁ ଯାଇଥିବା ଜଣାଯାଇଛି । ବ୍ଲକ କାର୍ଯ୍ୟାଳୟରେ ୫୧୭ ବୁଥ୍‌କୁ ପୋଲିଂ କର୍ମଚାରୀ ଆବଶ୍ୟକ ସରଞ୍ଜାମ ସହିତ ଗସ୍ତ କରିଥିବା ଦେଖାଯାଇଛି । ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବାଲାଟ୍‌ ପେପରରେ ଅନୁଷ୍ଠିତ ହେଉଛି । ଏଥିପାଇଁ ବାଲାଟ୍ ବାକ୍ସ ମଧ୍ୟ ବିଭିନ୍ନ ବୁଥ୍‌କୁ ପଠାଯାଇଛି । ନିର୍ବାଚନ ପରେ ପୁଲିଂ କର୍ମଚାରୀ ସୁରକ୍ଷା ସହିତ ବାଲାଟ୍‌ ବକ୍ସକୁ ରଣପୁର କଲେଜ ଡିପୋଜିଟ୍ କରିବା ପାଇଁ ସୂଚନା ମିଳିଛି |