ପଦ୍ମପୁର(ଶାସକ ପ୍ରଶାସକ)-ମହଙ୍ଗା ପଡିଛି ଟିକସ ଫାଙ୍କିବା । ପଦ୍ମପୁର ସହରର ପଦ୍ମପୁର ବସନା ରୋଡ଼ଠାରେ ଥିବା ଥିବା ଗିରିଧାରୀ ଅଗ୍ରୱାଲଙ୍କ ଗୋୟଲ ଟ୍ରେଡ଼ର୍ସ ଉପରେ ଟିକସ ଫାଙ୍କିବା ଅଭିଯୋଗରେ ସିଟି ଓ ଜିଏସଟି ଡେପୁଟି କମିସନର ରଜନୀକାନ୍ତ ସେଠଙ୍କ ନେତୄତ୍ବରେ ଗତ ଫେବୃଆରୀ ୦୪ ତାରିଖ ଦିନ ଚଢାଉ କରିଥିଲେ । ଗୋୟଲ ଟ୍ରେଡ଼ର୍ସରେ ଲୁହା ଛଡ଼,ସିମେଣ୍ଟ, ପ୍ଳାଷ୍ଟିକ ପାଇପ, ଘର ରଙ୍ଗ ତଥା ଘର ତିଆରି ବିଭିନ୍ନ ଉପକରଣ ବ୍ୟବହାର ହୋଇଥାଏ । ସୂଚନା ଅନୁସାରେ ଗୋୟଲ ଟ୍ରେଡ଼ର୍ସ ରୁ ଯେଉଁ ପରିମାଣର ଟିକସ ପଇଠ ହେଉଥିଲା ତାହା ଧିରେ ଧିରେ କମିବାରେ ଲାଗିଲା ହେଲେ ବ୍ୟବସାୟ ବଢିବାରେ ଲାଗିଛି । ଏହାକୁ ସନ୍ଦେହ କରି ସିଟି ଓ ଜିଏଟି ବିଭାଗ ଚଢ଼ାଉ କରି କ୍ରୟ ବିକ୍ରି ର ବିଭିନ୍ନ କାଗଜପତ୍ର ଜବତ କରିବା ସହ ସବୁ କିଛି ଯାଞ୍ଚ କରିଥିଲେ ଏବଂ ଗୋୟଲ ଟ୍ରେଡ଼ର୍ସର ମାଲିକଙ୍କୁ ୩୫ ଲକ୍ଷ ଟଙ୍କା ଟିକସ ଫାଙ୍କିବା ଅଭିଯୋଗରେ ଫାଇନ କରିଥିବା ରଜନୀକାନ୍ତ ସେଠ ସୂଚନା ଦେଇଛନ୍ତି ।