ପଦ୍ମପୁର(ଶାସକପ୍ରଶାସକ)-ଗାଇସିଲାଟ ବ୍ଲକ ଚିଖିଲି ଗ୍ରାମପଞ୍ଚାୟତ ଚିଖିଲି ଗ୍ରାମର ଘରନୁ ସାହୁ(୭୩) ଓ ତାଙ୍କ ସ୍ତ୍ରୀ ମଥୁରା ସାହୁ (୬୨) ଙ୍କ ମୁଣ୍ଡ ଗୁଞ୍ଜିବା ପାଇଁ ଘର ଖଣ୍ଡେ ନ ଥିବାରୁ ବହୁତ ଅସୁବିଧାରେ ଜୀବନ ବିତାଉଥିବା ବେଳେ ଏ ବିଷୟରେ ଖବର ପ୍ରକାଶିତ ହୋଇଥିଲା । ଏହି ଖବର କୁ ଗାଇସିଲାଟର ସାମଜସେବୀ ମୁକେଶ କୁମାର ସାହୁ ଟ୍ୱିଟ ମାଧ୍ୟମରେ ମୁଖ୍ୟମନ୍ତ୍ରୀ ସହ ଜିଲ୍ଲା ପ୍ରଶାସନକୁ ବୃଦ୍ଧ ଦମ୍ପତି ଙ୍କୁ ଘର ଖଣ୍ଡେ ପ୍ରଦାନ କରିବାକୁ ଅଭିଯୋଗ କରିଥିଲେ । ଏହାର ପ୍ରତି ଉତ୍ତରରେ ପଞ୍ଚାୟତିରାଜ ବିଭାଗ ଓଡ଼ିଶା ସରକାର ଜଣାଇଛନ୍ତି ଯେ ,ଏହି ବୃଦ୍ଧ ଦମ୍ପତି ଙ୍କୁ ଘର ଖଣ୍ଡେ ଯୋଗାଇ ଦେବା ପାଇଁ ତାଙ୍କ ପାଖରୁ "କ" ଫର୍ମ ସହ ସମସ୍ତ କାଗଜପତ୍ର ସଂଗ୍ରହ କରିଛନ୍ତି ଓ ଆଗାମୀ ଦିନରେ ଆବାସ ଯୋଜନା ରେ ଘର ଖଣ୍ଡେ ପ୍ରଦାନ କରିବା ସହ ତାଙ୍କ ସ୍ତ୍ରୀ ମଥୁରା ସାହୁ ଙ୍କୁ ମାସିକ ୫୦୦ ଟଙ୍କା ବାର୍ଦ୍ଧକ୍ୟ ଭତ୍ତା ଯୋଗାଇ ଦେବା ପାଇଁ ପ୍ରତିଶ୍ରୁତି ଦେଇଛନ୍ତି ।