ଭଟଲି: ବରଗଡ଼ ଜିଲ୍ଲା ଭଟଲି ବ୍ଳକ ଅନ୍ତର୍ଗତ ଖରମୁଣ୍ଡା ଗ୍ରାମଠାରେ ୫୨ ଲକ୍ଷ ଟଙ୍କା ବ୍ୟୟରେ ନିର୍ମିତ ଖରମୁଣ୍ଡା-୩ ଉଠାଜଳସେଚନ ପ୍ରକଳ୍ପ ମନ୍ତ୍ରୀ ଶ୍ରୀ ସୁଶାନ୍ତ ସିଂ ଙ୍କ କରକମଳରେ ଉଦ୍ଘାଟିତ ହୋଇଯାଇଛି l ଏହି ପ୍ରକଳ୍ପ ହେବାଦ୍ବାରା ଜୀରା ନଦୀରୁ ପାଣି ଉଠି ରସାଲି ଏବଂ ଖରମୁଣ୍ଡା ଗ୍ରାମ ର ହାରାହାରି ୧୦୦ ଏକର ଚାଷଜମି ଜଳସେଚିତ ହୋଇପାରିବ ବୋଲି ଏଠାକାର ଚାଷୀ ମାନେ ମତବ୍ୟକ୍ତ କରିଛନ୍ତି।
ଉକ୍ତ ଉଦଘାଟନୀ ଉତ୍ସବରେ ଅନ୍ୟମାନଙ୍କ ମଧ୍ୟରେ ଜିଲ୍ଲାପରିଷଦ ସଭ୍ୟ ଶ୍ରୀମାନ ନିତ୍ୟାନନ୍ଦ ପ୍ରଧାନ, ବ୍ଳକ ଅଧ୍ୟକ୍ଷା ଶ୍ରୀମତୀ ପ୍ରେମାବତୀ ସା , ଉଠାଜଳସେଚନ ପ୍ରକଳ୍ପ ର ନିର୍ବାହୀ ଅଧିକାରୀ ସୂର୍ଯ୍ୟନାରାୟଣ ତ୍ରିପାଠୀ,ବିଜୁ ଜନତା ଦଳ ଭଟଲି ବ୍ଳକ ସଭାପତି ଗୋବିନ୍ଦ ପ୍ରଧାନ ତଥା ଖରମୁଣ୍ଡା ଓ ରସାଲି ଗ୍ରାମ ର ଶତାଧିକ ଚାଷୀ ସମେତ ଅଞ୍ଚଳ ର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ l