ପାଟଣାଗଡ଼, (ଶାସକ ପ୍ରଶାସକ, ଯତୀନ୍ଦ୍ର ନନ୍ଦ )ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ସରମୁହାଣ ଗ୍ରାମ ପଞ୍ଚାୟତ ଅଏଁଲାଭଟା ଠାରେ ବ୍ଳକସ୍ତରୀୟ କଲା ଓ କଲାକାର ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି!ଏହି କାର୍ଯ୍ୟକ୍ରମରେ ସମ୍ପ୍ରତି ବ୍ଳକର ସମସ୍ତ କଲାକାରମାନେ ଯୋଗଦେଇ ନିଜ ନିଜର କଲା ପ୍ରଦର୍ଶନ କରିବା ସହ ନଗର ପରିକ୍ରମା କରିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବେଲପଡା ବ୍ଳକ ଅଧ୍ୟକ୍ଷା ଶ୍ରୀମତୀ ବୈଜୟନ୍ତି ପାଣିଗ୍ରାହୀ ଯୋଗଦେଇଥିବା ବେଲେ ସମ୍ମାନୀତ ଅତିଥି ଭାବେ ବ୍ଳକ ଉପାଧ୍ୟକ୍ଷ ରୁକ୍ମଣ ସୁନା,ନୁନହାଡ ସମିତି ସଭ୍ୟ ପୁରୁନ୍ଦର ବାଗ,ଭରୁଆପାଲି ସରପଞ୍ଚ ପଦ୍ମାବତୀ ବାଗ,ସରମୁହାଣ ସରପଞ୍ଚ ଦିଲିପ୍ ମାଝୀ ଯୋଗ ଦେଇ କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା କଳାକାରଙ୍କୁ ଉତ୍ସାହିତ କରିଥିଲେ । ସକାଳେ ଜଗନ୍ନାଥ ମନ୍ଦିରରେ ପୂଜା ଅର୍ଚନା କରିସାରିବା ପରେ ସଭିଏଁ ସଂକୀର୍ତ୍ତନ ମାଧ୍ୟମରେ ଗ୍ରାମ ପରିକ୍ରମା କରିଥିଲେ । ଅତିଥିମାନଙ୍କର ଅଭିଭାଷଣ ପରେ ସମସ୍ତ କଲାକାର ନିଜ ନିଜ କଲା ପରିଦର୍ଶନ କରିଥିଲେ | କଲାକାରମାନଙ୍କୁ ମାନପତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ କଲାକାର ସଂଘର ବ୍ଳକ ସଭାପତି ନରେନ୍ଦ୍ର ମେହେର, ବ୍ଳକ ସମ୍ପାଦକ ହଜାରୀ ଥିବାବେଳେ ଜବାହରଲାଲ ସାହୁ ମଞ୍ଚ ପରିଚାଳନା କରୁଥିଲେ। ଏହି କାର୍ଯ୍ୟ କୁ ଉତ୍ସାହିତ କରିବା ପାଇଁ କଲାକାର ସଂଘର ଜିଲ୍ଲା ସମ୍ପାଦକ ରସରାଜ ବୁଡେକ ଯୋଗଦାନ କରିଥିଲେ। ପଶ୍ଚିମ ଓଡ଼ିଶା ସଭାପତି ଅମିଲ ପୁଟେଲ ମୁଖ୍ୟବକ୍ତା ରୂପେ ଅଂଶ ଗ୍ରହଣ କରିଥିଲେ। ଗ୍ରାମ୍ୟ କମିଟିର ସଦସ୍ୟ ମାନେ ସହଯୋଗ କରି ବେଲପଡା ଅଞ୍ଚଳ ର ସମସ୍ତ କଲାକାର ମାନଙ୍କୁ ଉତ୍ସାହିତ କରିଥିଲେ |
