ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ମୋହନା ସ୍ଥିତ ହିଲଟପ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଭଉୟ ବାଳକ ଓ ବାଳିକା ବିଭାଗର ଜାତୀୟ ସେବା ସଂସ୍ଥା ଯୋଜନା ପକ୍ଷରୁ ସ୍ୱଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ବିଦ୍ୟାଳୟର ଅଧ୍ଯକ୍ଷ ସୀମାଞ୍ଚଳ ସାହୁଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅଧ୍ଯକ୍ଷ ଶିକ୍ଷାର୍ଥୀ ମାନଙ୍କୁ ସ୍ଵଚ୍ଛତାର ମହତ୍ଵ, ଉଦ୍ଦେଶ୍ୟ ଓ ଆବଶ୍ଯକତାର ଜରୁରୀ ସମ୍ପର୍କରେ ଆଲୋକପାତ କରିଥିଲେ।
ଏହି କାର୍ଯ୍ୟକ୍ରମରେ ବାଳକ ବିଭାଗର ଯୋଜନା ଅଧିକାରୀ ବରିଷ୍ଠ ଅଧ୍ଯାପକ ଭଗବାନ ବିଷୋୟୀ ଏବଂ ବାଳିକା ବିଭାଗର ଯୋଜନା ଅଧିକାରୀ ଅନ୍ୟଲ କୁମାର ତ୍ରିପାଠୀଙ୍କ ନେତ୍ଵତ୍ଵରେ ପରିସରର ପରିବେଶକୁ ପରିଷ୍କାର ପରିଚ୍ଛନ୍ନ ଓ ସୁରକ୍ଷିତ ରଖିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଥିଲା।
ଏହି କାର୍ଯ୍ୟକ୍ରମରେ ବାଳକ ବିଭାଗର ପୂର୍ବତନ ଯୋଜନା ଅଧିକାରୀ ଡ. ଅନ୍ତର୍ଯ୍ୟାମୀ ଗୌଡ , ଅଧ୍ଯାପକ ଏସ୍.ରମେଶ , ଖେଳ ଶିକ୍ଷକ ମୀନକେତନ ମିଶ୍ରଙ୍କ ସମେତ ବିଦ୍ୟାଳୟର ସମସ୍ତ ଶିକ୍ଷକ ଓ କର୍ମଚାରୀ ଉପସ୍ଥିତ ଥିଲେ।