ଯାଜପୁରରୁ ସୁବାଷ ଚନ୍ଦ୍ର ନାୟକ : ବ୍ୟାସନଗର ସ୍ଥିତ ବ୍ୟାସଶ୍ରୀ କଳାନିକେତନ ଠାରେ ସ୍କୁଲ ପିଲାମାନଙ୍କ ସହିତ ଜନ୍ମ ଦିନ ପାଳିଲେ ଏକ ନିଆରା ଢଙ୍ଗରେ ଶିଶୁ ସାହିତିକା ତଥା ଅବସର ପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ବ୍ରଜେଶ୍ବରୀ ସିଂହ | ଚାକିରି ସମୟରେ ସେ ପିଲାମାନଙ୍କୁ ବହୁତ ଭଲ ପାଉଥିଲେ | ପିଲାମାନଙ୍କ ମନରେ ଆନନ୍ଦ ଦେବା ପାଇଁ ଏହା ତାଙ୍କର ପ୍ରୟାସ ଥିଲା | ଜନ୍ମ ଦିନ ପାଳିବା ସହିତ ଶ୍ରମିକ ନେତା ତଥା ସମାଜ ସେବୀ ନାରାୟଣ ଚନ୍ଦ୍ର ନାୟକଙ୍କୁ ପୁଷ୍ପ ଗୁଚ୍ଛ ଦେବା ସହିତ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ | ବାଇଧର ମାଝୀ ଓ ଭୋଲାନାଥ ଘୋଷଙ୍କ ଆୟୋଜନ ରେ ଶ୍ରୀମତୀ ସିଂହ କେକ୍ କାଟି ପିଲାଙ୍କ ଭବିଷ୍ୟତ ଉଜ୍ଜଳ କାମନା କରିଥିଲେ | ଡ଼ଃ ଅକ୍ଷୟ ପଣ୍ଡା, ଉଦୟବଟର ସଂପାଦକ ଦୁଷ୍ମନ୍ତ ନାୟକ, ଇଂ ବିଶ୍ୱଜିତ ମହାନ୍ତି , ଜ୍ଞାନ ରଞ୍ଜନ ରାଉତ, ସନାତନ ମଲ୍ଲିକ, ଚନ୍ଦ୍ରମଣି ସାମଲଙ୍କ ସହିତ ଅଭିଭାବକ ମାନେ ଉପସ୍ଥିତ ରହି ଶ୍ରୀମତୀ ସିଂହଙ୍କ ଗୁଣାବଳୀ ବର୍ଣ୍ଣନା କରିବା ସହିତ ଦୀର୍ଘାୟୁ କାମନା କରିଥିଲେ |
