ପଦ୍ମପୁର(ଶାସକ ପ୍ରଶାସକ)-ପଦ୍ମପୁର ସହରର ହନୁମାନ ପଡାରେ ଚଳିତ ବର୍ଷ ହେବାକୁ ଥିବା ସାର୍ବଜନୀନ କାଳୀ ପୂଜା ପାଇଁ ଆଜି ଏକ ପ୍ରସ୍ତୁତି ବୈଠକ ମନ୍ଦିର ପରିସରରେ ଅନୁଷ୍ଠିତ ହୋଇ ଯାଇଛି । ପଡାର ବରିଷ୍ଠ ସଭ୍ୟ ଚିନ୍ତାମଣୀ ମଲ୍ଲିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ସଭାରେ ଗତ ବର୍ଷ ପୂଜାର ଆୟ ବ୍ୟୟ ଉପସ୍ଥାପନା କରାଯାଇଥିଲା ଏବଂ ଚଳିତ ବର୍ଷ ପାଇଁ ନୂତନ କମିଟି ଗଠନ କରାଯାଇଥିଲା । ଏଥିରେ ସଭାପତି ଭାବେ ଅଜିତ କୁମାର ଶତପଥୀ, ଉପସଭାପତି ଭାବେ ଧରମ ପାଢ଼ୀ ଓ ମୁନା ଭୋଇ, ସମ୍ପଦକ ଭାବେ ପ୍ରିତେଶ ବହିଦାର, ସହସମ୍ପଦକ ସୁବାସ ପାତ୍ର ଏବଂ କୋଷାଧ୍ୟକ୍ଷ ଭାବରେ ଶ୍ୟାମଳ ଦାସ ଓ ସହକୋଷାଧ୍ୟକ୍ଷ ଭାବେ ସରୋଜ ମିଶ୍ରଙ୍କୁ ସର୍ବସମ୍ମତି କ୍ରମେ ମନୋନୀତ କରାଯାଇଥିଲା । ଏଥି ସହ ଏକ କାର୍ଯ୍ୟକାରୀ କମିଟିର ଗଠନ କରାଯାଇଥିଲା । ଚଳିତ ବର୍ଷ ନଭେମ୍ବର ୪ ରୁ ୭ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ପୂଜାରେ ସରକାରଙ୍କ କୋଭିଡ କଟକଣାକୁ ଦୃଷ୍ଟିରେ ରଖି କାଳୀପୂଜାକୁ ନିରାଡ଼ମ୍ବର ଭାବରେ ସରକାରଙ୍କ ଗାଇଡ଼ ଲାଇନ ଅନୁଯାୟୀ ପାଳନ କରିବା ପାଇଁ ନିଷ୍ପତ୍ତି ନିଆଯାଇଛି ।