ପାଇକମାଲ/ଗୌରାଙ୍ଗ ଚରଣ ଦାଶ 

ରବିବାର ପାଇକମାଲ ନିକଟସ୍ଥ ମିଠାପାଲି ଗ୍ରାମରେ ଘରର କାନ୍ଥ ପଡି ଜଣେ 35 ବର୍ଷୀୟ ଯୁବକ  ଟେକଧର ବାରିହା ଙ୍କର ମୃତ୍ୟୁ ହେଇଯାଇଛି। ପ୍ରକାଶ ଥାଉ କି ଯେ ଆଜି ରବିବାର ସକାଳ ରୁ ଅଂଚଳରେ ଲଗାତାର ଭାବରେ ବୃଷ୍ଟିପାତ ହେଇ ଅସୁଛି ଫଳରେ ଟେକଧର ରହୁଥିବା ଘରର ମାଟି କାନ୍ଥ ଟି ସମ୍ପୂର୍ଣ ଭାବରେ ବୁତୁରୀ ଯାଇଥିଲା। ଏହି ଦୁର୍ଘଟଣା ର ଖବର ପାଇବା ପରେ ପାଇକମାଲ ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ , ଏଏସଆଇ ଏସ କେ ଦାସ ଙ୍କୁ ଘଟଣାସ୍ଥଳ କୁ ପଠାଇଥିଲେ। ପାଇକମାଲ ପଞ୍ଚାୟତ ସମିତି ଅଧ୍ୟକ୍ଷ ଅଳତାଫ ମହମ୍ମଦ ଓ ମିଠାପଲି ସରପଞ୍ଚ  ସହଦେଵ ଘଟଣା ସ୍ଥଳକୁ ପହଂଛି ମୃତକ ଙ୍କର ପରିବାର ଲୋକଙ୍କୁ ଭେଟି ସମବେଦନା ଜଣାଇବା ସହିତ ମୃତକଙ୍କ ଅନ୍ତିମ ସଂସ୍କାର ନିମନ୍ତେ ପଞ୍ଚାୟତ ରୁ 2000 ଟଙ୍କା ଓ ପଞ୍ଚାୟତ ସମିତି ଅଧ୍ୟକ୍ଷ ଅଳତାଫ ମହମ୍ମଦ 2000 ଟଙ୍କା ର ସହଯୋଗ ରାଶି ପ୍ରଦାନ କରିଥିଲେ। ଏହା ପରେ ପାଇକମାଲ ପୋଲିସ ଶବକୁ ବ୍ୟବଚ୍ଛେଦ କରିବା ପାଇଁ ପଦ୍ମପୁର ଉପଖଣ୍ଡ ଡାକ୍ତରଖାନା କୁ ପଠେଇ ଦେଇଛନ୍ତି। ପାଇକମାଲ ଥାନା ରେ ଏକ ଅପମୃତ୍ୟ ମାମଲା 10/2018 ରୁଜୁ କରାଯାଇ ଘଟଣା ର ତଦନ୍ତ କରାଯାଉଛି ବୋଲି ଥାନା ଅଧିକାରୀ ପ୍ରକାଶ କରିଛନ୍ତି।