ଗୁଣୁପୁର(ସୁବ୍ରତ କୁମାର ପଣ୍ଡା ) : - ଗୁଣପୁର ଉପଖଣ୍ଡ ଅଧିନସ୍ଥ ଭାମିନି ଦ୍ଵିତୀୟ ଭାରତ ସଂରକ୍ଷିତ ବାହିନୀ କ୍ୟାମ୍ପ ର ଏକ ଦାୟିତ୍ଵ ବାନ କାର୍ଯ୍ୟରେ ନିଯୁକ୍ତ ଥାଇ ଶୃଙ୍ଖଳା ଭଙ୍ଗ କରିଥିବା ଅଭିଯୋଗ ରେ ସିପାହୀ କ୍ଷୀରୋଦ ବାଗ ଙ୍କୁ ନିଲମ୍ବନ କରାଯାଇଛି। ଶ୍ରୀ ବାଗ ଏଠାରେ ରହିଥିବା ଶସ୍ତ୍ରାଗାର ରେ ସିପାହୀ ଭାବେ କାର୍ଯ୍ୟରତ ଅଛନ୍ତି। ଶସ୍ତ୍ରାଗାର ରହିଥିବା ଅଞ୍ଚଳକୁ ଛାଡ଼ି କୌଣସି  ସ୍ଥାନକୁ ଯିବା ପାଇଁ ଅନୁମତି ନଥିବା ବେଳେ ସିପାହୀ ଶ୍ରୀ ବାଗ  ମଦ୍ୟପାନ କରି କିଛି ଦୂରରେ ଥିବା ସରକାରୀ ଗାଡି ସମେତ ଅନ୍ୟ କେତେକ ଗାଡ଼ିକୁ ଭାଙ୍ଗି ଉପସ୍ଥିତ ଅନ୍ୟ ସିପାହୀ ମାନଙ୍କୁ ଅଶ୍ରାବ୍ୟ  ଭାଷାରେ ଗାଳି ଗୁଲଜ କରିଥିଲେ। କ୍ଷତାକ୍ତ ଅବସ୍ଥାରେ ଥିବା ବାଗ ଙ୍କୁ ଚିକିତ୍ସା ନିମନ୍ତେ ଗୁଣପୁର ଉପଖଣ୍ଡ ଚିକିତ୍ସାଳୟ କୁ ପଠା ଯିବାପରେ ସେଠାରେ ମଧ୍ୟ  ସେ ଉନ୍ମୁକ୍ତ କାଣ୍ଡ ଭିଆଇ ଥିବାରୁ ବ୍ରିଥ ଏନାଲାଇଜର୍ ଟେଷ୍ଟ୍ (ମଦ୍ୟପ ଚିହ୍ନଟ ପରୀକ୍ଷଣ) ନିମନ୍ତେ ଗୁଣପୁର ଥାନକୁ ପଠାଯାଇ ଥିଲା। ପରୀକ୍ଷା ରୁ ବାଗ ମଦ୍ୟପାନ କରିଥିବା ସ୍ପଷ୍ଟ ହୋଇଥିବା ଜଣାପଡିଛି । ଏହି ଘଟଣା କ୍ରମକୁ ନେଇ କ୍ୟାମ୍ପ ଦାୟିତ୍ଵରେ ଥିବା ଦୁର୍ଗପତି ଦିଲ୍ଲୀପ କୁମାର ମହାପାତ୍ର ସିପାହୀ କ୍ଷୀରୋଦ ବାଗ ଙ୍କୁ କାର୍ଯ୍ୟରୁ ନିଲମ୍ବିତ କରିଥିବା ସୂଚନା ଦେଇଛନ୍ତି। ପ୍ରକାଶ ଥାଉକି ଦୁର୍ଗପତି ଶ୍ରୀ ମହାପାତ୍ର ଏବଂ ସିପାହୀ ବାଗଙ୍କ ପରିବାର ଉଭୟେ ଉଭୟ ଙ୍କ ବିରୁଦ୍ଧରେ ଗୁଣପୁର ଆଦର୍ଶ ଥାନାରେ ଏତଲା କ୍ରମେ ମହାପାତ୍ରଙ୍କ ବିରୁଦ୍ଧରେ ଭାରତୀୟ ଦଣ୍ଡବିଧି ଆଇନର ଧାରା 341, 294,323,506,34 IPC R/W 3(1) (r) (s) ST/SC pro act କ୍ରମେ 72/21 କେସ ନମ୍ବରରେ ମାମଲା ରୁଜୁ ହୋଇଥିବା ବେଳେ ଶ୍ରୀ ମହାପାତ୍ରଙ୍କ ଅଭିଯୋଗ କ୍ରମେ ବାଗ ଙ୍କ ବିରୁଦ୍ଧରେ ଧାରା 341,323,294,427,506 IPC R/W 3 Pdpp act କ୍ରମେ ଥାନା 71/21 କେସ ନମ୍ବର ରେ ଏକ ମାମଲା ରୁଜୁ ହୋଇଛି ।  ଦୁର୍ଗପତିଙ୍କ  ଏତଲା କୁ ଗ୍ରହଣ କରି ମହିଳା ଥାନା ଅଧିକାରୀ ସ୍ମୃତି ପ୍ରଜ୍ଞା ବେହେରା ତଦନ୍ତକରୁଥିବାବେଳେ ସିପାହୀଙ୍କ ପରିବାରର ଏତଲାକୁ ଗ୍ରହଣ କରି ଉପଖଣ୍ଡ ଆରକ୍ଷୀ ଅଧିକ୍ଷକ ଅଜୟ କୁମାର ବାରିକ ଙ୍କ ଦାୟିତ୍ଵ ରେ ତଦନ୍ତ ଆରମ୍ଭ ହୋଇଛି।