ରାୟଗଡ(ସରୋଜ କୁମାର ସାହୁ) : ୮୬ତମ ଉତ୍କଳ  ଦିବସ ଅବସରରେ ପ୍ରେସ ୟୁନିଅନ ରାୟଗଡର କାର୍ଯ୍ୟକାରୀ ସଭାପତି ସୁରେଶ ଚନ୍ଦ୍ର ଦାସଙ୍କ ନେତୃତ୍ୱରେ ସ୍ଥାନୀୟ ଗାନ୍ଧୀ ପାର୍କ ଠାରେ ଓଡିଆରେ ପଦେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମର ପ୍ରଥମେ ରାଜ୍ୟସଭା ସାଂସଦ ଏନ. ଭାସ୍କର ରାଓ, ଜିଲ୍ଲା ପରିଷଦ ଅଧ୍ୟକ୍ଷ ଗଙ୍ଗାଧର ପୁଆଲା, ରାୟଗଡ ଜିଲ୍ଲାପାଳ ସରୋଜ କୁମାର ମିଶ୍ର, ଅତିରିକ୍ତ ଜିଲ୍ଲାପାଳ ଶରତ ଚନ୍ଦ୍ର ପଣ୍ଡା, ଉପ-ଜିଲ୍ଲାପାଳ ପ୍ରତାପ ଚନ୍ଦ୍ର ପ୍ରଧାନ, ଜିଲ୍ଲା ସୁଚନା ଓ ଲୋକ ସମ୍ପର୍କ ଅଧିକାରୀ ବସନ୍ତ ପ୍ରଧାନ ଯୋଗ ଦେଇ ସେଠାରେ ଥିବା ଓଡିଶାର ବରପୁତ୍ର ଓ ମହାତ୍ମା ଗାନ୍ଧୀଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ଏହା ପରେ ସେଠାରେ ପ୍ରେସ ୟୁନିୟନ ରାୟଗଡ ଦ୍ୱାରା ଟଙ୍ଗା ଯାଇଥିବା ବ୍ୟାନରେ ଉପସ୍ଥିତ ଅତିଥି ମାନେ ଓଡିଆରେ ପଦେ ଲେଖି ନିଜର ଓଡିଆ ପ୍ରିତିକୁ ଜାହିର କରିଥିଲେ । ଏହି ଅବସରରେ ପ୍ରେସ ୟୁନିୟନ ରାୟଗଡର ସମ୍ପାଦକ ଶିବାଜୀ ଦାସ ନିଜର ବକ୍ତବ୍ୟରେ ଓଡିଆ ଭାଷାର ସୁରକ୍ଷା ଓ ଓଡିଆ ଭାଷାର ସ୍ୱାଭିମାନର ରକ୍ଷା ପାଇଁ ପ୍ରେସ ୟୁନିୟନ ପକ୍ଷରୁ ଏହି ଭଳି କାର୍ଯ୍ୟକ୍ରମ ମାନ ଚାଲୁ ରହିବ ବୋଲି ପ୍ରକାଶ କରିଥିଲେ । ଶେଷରେ ପ୍ରେସ ୟୁନିୟନ ରାୟଗଡର କୋଷାଧ୍ୟକ୍ଷ ରଶ୍ମିରଂଜନ ଦୋରା ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ପ୍ରେସ ୟୁନିୟନ ରାୟଗଡର ସମସ୍ତ ସଭ୍ୟ ଉପସ୍ଥିତ ରହି ପରିଚାଳନାରେ ସହୋଯୋଗ କରିଥିଲେ ।