ବରଗଡ :- ବରଗଡ଼ ଜିଲ୍ଲା ଝାରବନ୍ଧ ଥାନା ଅନ୍ତର୍ଗତ ଅମଠି ଗ୍ରାମରେ ଗତ କାଲି ରାତିରେ ଏସ କେ ଏସ ଫାଇନାନ୍ସ କମ୍ପାନୀ  ରେ କଲେକ୍ସନ ଏଜେଣ୍ଟ ଭାବରେ କାର୍ଯରତ ବିଶ୍ୱଜିତ ରାଜହଂସ ନାମକ ଯୁବକକୁ ଦୁଇ ଅଜଣା ଯୁବକ ମରଣାନ୍ତକ ଆକ୍ରମଣ କରିଥିଲେ । ଗ୍ରାମବାସୀ ଙ୍କର ସାହାଯ୍ୟ ରେ ଆମ୍ବୁଲାନ୍ସ ଯୋଗେ ବିଶ୍ୱଜିତ କୁ ପ୍ରଥମେ ପଦ୍ମପୁର ଓ ପରେ ବୁର୍ଲା କୁ ସ୍ଥାନାନ୍ତର କରାଯାଇଥିବା ବେଳେ ତାର ସ୍ୱାସ୍ଥ୍ୟ ଅବସ୍ଥା ବିଗିଡିବାରୁ ତାକୁ ଭୁବନେଶ୍ୱର ଏକ ଘରୋଇ ଡାକ୍ତରଖାନା କୁ ପଠା ଯାଉଥିବା ବେଳେ ଆଜି ସନ୍ଧ୍ୟା ସମୟରେ ମୃତ୍ୟୁ ହୋଇ ଯାଇଛି । ଏଠାରେ ସୂଚନାଯୋଗ୍ୟ ଯେ ଅପରାଧୀ ମାନେ ବିଶ୍ୱଜିତଙ୍କ  ପଛ ପଟୁ ତାର ମୁଣ୍ଡ ରେ ଜୋରଦାର ପ୍ରହାର କରିଥିଲେ । ଫଳରେ ଘଟଣା ସ୍ଥଳରେ ପ୍ରବଳ ରକ୍ତ ସ୍ରାବ ହୋଇଥିବା ଦେଖିବାକୁ ମିଳିଛି । ତେବେ ବର୍ତ୍ତମାନ ଝାରବନ୍ଧ ପୋଲିସ ଏହି ମାମଲାକୁ ଅତ୍ୟନ୍ତ ଗମ୍ଭୀର ଭାବରେ ଗ୍ରହଣ କରିଥିବା ଜଣା ପଡ଼ିଛି ।