“ରିଶେ ମିଶେ ଆଏଲା ସାହେବ ଘେଁସ ଦେଲା ପୁଡ଼େଇ
କିଏ ରହେଲା ଗାଁ ଗହଲି କିଏ ରହେଲା ଝାରେ
ଆଁଠେ ରକତ୍ ବୁହିଗଲା, କୁଞ୍ଜଲ ସିଂର ମାରେଁ ।”
ବରଗଡ :- ସ୍ୱାଧୀନତା ସଂଗ୍ରାମରେ ନିଜର ଜୀବନକୁ ଦେଶ ପାଇଁ ଉତ୍ସର୍ଗ କରିଥିବା ବରଗଡ଼ ଜିଲ୍ଲା ଘେସଁ ଜମିଦାର ବଂଶର ସହିଦ ମାଧୋ ସିଂ ଓ ତାଙ୍କର ଚାରି ପୁଅ ପାଇଁ ଆଜି କେବଳ ବରଗଡ଼ ଜିଲ୍ଲା ନୁହେଁ ସାରା ଦେଶ ଗର୍ବିତ । ବରଗଡ଼ ଜିଲ୍ଲା ଘେଁସ ଜମିଦାର ମାଧୋ ସିଂ ତାଙ୍କ ଚାରି ପୁଅ ହଟ୍ଟେ ସିଂହ, କୁଞ୍ଜେଲ ସିଂ, ଐରି ସିଂ ଓ ବୈରୀ ସିଂ ସ୍ୱାଧିତାର ଲଢେଇରେ ସହିଦ ହୋଇଥିଲେ । ଏହି ଅମ୍ଳାନ ବୀର ସହିଦ ମାନଙ୍କ ସ୍ମୃତି ଚାରଣ ପାଇଁ ଆଜି ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ହଲଦିପାଲି ବୀର ଛକରେ 2020 ରାଜ୍ୟସ୍ତରୀୟ ବୀରତା ଦିବସ ସମାରୋହ ପାଳିତ ।ଜିଲ୍ଲା ସ୍ଥାରୀୟ ସମାରୋହରେ ବରଗଡ଼ ଜିଲ୍ଲାପାଳ ଜ୍ୟୋତି ରଞ୍ଜନ ପ୍ରଧାନ, ବିଧାୟକ ଦେବେଶ ଆଚାର୍ଯ୍ୟ , ଏସପି ପଦ୍ମିନୀ ସାହୁ ଓ ଡିଆଇପିଆରଓ କଲ୍ୟାଣି ଦାଶ , ସାମ୍ବାଦିକ ବନ୍ଧୁ ମାନେ , ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ର କର୍ମକର୍ତ୍ତା ପ୍ରମୁଖ ଯୋଗ ଦେଇ ସହିଦ ମାନଙ୍କୁ ଶ୍ରଦ୍ଧାସୁମନ ଜଣାଇ ସୋମନଙ୍କ ବୀରଗାଥାକୁ ସ୍ମରଣ କରିଥିଲେ ।
ସେହିଭଳି ଘେସଁ ଠାରେ ଆୟୋଜିତ ସମାରୋହରେ ପଦ୍ମଶ୍ରୀ ହଳଧର ନାଗ ଉପଜିଲ୍ଲାପାଳ ଶ୍ରୀ ତନ୍ମୟ କୁମାର ଦରୱାନ , ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀ ଙ୍କର ସମେତ ଅନେକ ବିଶିଷ୍ଠ ତଥା ସାଧାରଣ ଜନତା ସହିଦ ମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।
