ପୁରୀ, /ସ୍ୱତନ୍ତ୍ର ପ୍ରତିନିଧି: ମଙ୍ଗଳବାର ଶୁକ୍ଳ ଚତୁର୍ଦଶୀ ତିଥିରେ ଶ୍ରୀମନ୍ଦିରରେ ପାଣ୍ଡୁନୃସିଂହ ବିଜେ ନୀତି ପାଳିତ ହୋଇଯାଇଛି । ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ଦ୍ୱାର ଫିଟା ନୀତି ପରେ ଭିତର ଶୋଧ,  ମଙ୍ଗଳ ଆଳତି,  ଦୈନଦିନ ନୀତି ବଢି ସକାଳଧୂପ ଶେଷ ହୋଇ ଥିଲା । ଭୋଗମଣ୍ଡପ ଉଠିଲାପରେ ପୁଷ୍ପାଳକ ସେବକମାନେ ମହାପ୍ରଭୁଙ୍କ ମଇଲମ ବଢ଼ାଇ  ବେଶ ଶେଷ କରିଥିଲେ । ଦକ୍ଷିଣି ଘର ଭୋଗ  ପରେ ମାହାଜନ ସେବକ ମାନେ ପାଣ୍ଡୁନୃସିଂହ ଦେବଙ୍କୁ  ଦକ୍ଷିଣି ଘରୁ ରତ୍ନସିଂହାସନ କୁ ବିଜେ କରାଇ ଆଣିଥିଲେ । ପୂଜାପଣ୍ଡା ସେବକ ପାଣ୍ଡୁନୃସିଂହ ଦେବଙ୍କୁ ଆଜ୍ଞାମାଳ  ଲାଗି କରାଇଲାପରେ   ଶ୍ରୀମନ୍ଦିର ରୁ ଚାରି ଆଶ୍ରମ ଭ୍ରମଣରେ ବାହାରି ଥିଲେ ।  ଶ୍ରୀମନ୍ଦିରକୁ  ପ୍ରତ୍ୟାବର୍ତ୍ତନ କରିବା ପରେ ମାହାଜନ ସେବକମାନେ ମହାପ୍ରଭୁ ନୃସିଂହ ଦେବଙ୍କ  ରୁନ୍ଧା ଫିଟାଇ ଦକ୍ଷିଣି ଘରକୁ ବିଜେ କରାଇଥିଲେ ।