ଶେଷରେ ହାତପାଆନ୍ତାରେ ଲୋକ ପାଇଲେ ପାଣି
ଗନିଅାଁପାଲି/ ନୀଳ ଦୀପ : ଜଳ ହିଁ ଜୀବନ । ଜଳକୁ ବାଦ୍ ଦେଇ ଜୀବନର ସ୍ଥିତି ଅସମ୍ଭବ । ତେବେ ମନରେ ପ୍ରଶ୍ନ ଆସେ ସାଧାରଣ ବ୍ୟକ୍ତିଟିଏ ଅସମ୍ଭବକୁ ସମ୍ଭବ କରି ପାରୁଥିବା ସ୍ଥଳେ ସରକାର କାହିଁକି ମୌଲିକ ସୁବିଧା ଯୋଗଇଦେବାରେ ବ୍ୟର୍ଥ । ଦୀର୍ଘ ଦିନର ଆଶା ଓ ଆକାଂକ୍ଷା ଫଳବତୀର ରୂପ ନେଇଛି ବେଲମୁଣ୍ଡା ଉପର ପଡାରେ । ମେଲଛାମୁଣ୍ଡା ଗ୍ରାମ ପଂଚାୟତ ଅର୍ନ୍ତଗତ ବେଲମୁଣ୍ଡାରେ ଦୀର୍ଘ ଦଶନ୍ଧିରୁ ଦେଖାଦେଉଥିଲା ଜଳ ସଙ୍କଟ । ବାରମ୍ବାର ପିଇବା ପାଣି ପାଇଁ ପ୍ରଶାସନକୁ ଅନୁରୋଧ କରୁଥିଲେ ମଧ୍ୟ ସେ ସୁବିଧାରୁ ବଂଚିତ ହେଉଥିଲେ । ବର୍ତ୍ତମାନର ସରପଂଚ ସୁନିତା ବରିହାଙ୍କ ବାରମ୍ବାର ପ୍ରୟାସ ଶେଷରେ ବେଲମୁଣ୍ଡା ଗାଁ ଲୋକଙ୍କ ମୁହଁରେ ଫୁଟାଇଛି ହସ | ଅନେକ ପ୍ରୟାସ ପରେ ବିଫଳତା ଆଗରେ ହାର ମାନିବାକୁ ରାଜିନଥିଲେ ଶ୍ରୀମତୀ ବରିହା । ତାଙ୍କ ଲକ୍ଷ ଏକମାତ୍ର ଥିଲା କେମିତି ବେଲମୁଣ୍ଡାରେ ପାଣି ପହଂଚିବ | ଶେଷରେ ଗାଁର ଆର ମୁଣ୍ଡରେ ଗଭୀର ନଳକୂପ ଖନନ କରି ପାଇପ ଦ୍ୱାରା ଜଳ ଯୋଗାଣ ପଡାରୁ ପଡାକୁ ସ୍ୱାଧିନତା ର ଅନେକ ବର୍ଷ ପରେ ଘର ସାମନାରେ ପାଣି ପାଇ ଲୋକଙ୍କ ମୁହଁରେ ଫୁଟି ଉଠିଛି ଖୁସିର ଜୁଆର । ଏହି ମହାନ୍ କାର୍ଯ୍ୟ ପାଇଁ ଶ୍ରୀମତୀ ବରିହା ସତରେ ବେଲମୁଣ୍ଡା ବାସୀଙ୍କ ପାଇଁ ପ୍ରଶଂସନୀୟ ।