ପଦ୍ମପୁର :ଗନ୍ଧମାର୍ଦ୍ଦନ ପର୍ବତକୁ ଇକୋ ସେନସିଟିଭ ଜୋନ ଘୋଷଣା କରିବା ପାଇଁ ବରଗଡ଼ ଜିଲ୍ଲା ନୃସିଂହନାଥ ସ୍ଥିତ ଗାନ୍ଧୀ ପୀଠ ଠାରେ ଅନୁଷ୍ଠିତ ଗନ୍ଧମାର୍ଦ୍ଦନ ସୁରକ୍ଷା  ଯୁବ ପରିଷଦ ର ୩୬ତମ ପ୍ରତିଷ୍ଠା ଦିବସରେ ରାଜ୍ୟ ସରକାରଙ୍କ ଠାରେ ଦାବି କରା ଯାଇଛି । ଆଜି ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ ଆବାହକ ଶ୍ରୀ ଦିଲ୍ଲୀପ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରତିଷ୍ଠା ଦିବସ ଅବସରରେ ସର୍ବ ପ୍ରଥମେ ଗାନ୍ଧୀଙ୍କ ପ୍ରତିମୂର୍ତ୍ତି ତଲେ ୩୬ଟି ଦ୍ବୀପ ପ୍ରଜ୍ଜଳନ କରାଯାଇ କାର୍ଯ୍ୟକ୍ରମ  କୁ ଉଦଘାଟନ କରାଯାଇଥିଲା । କୋଭିଡ କଟକଣା ଯୋଗୁଁ କମ ସଂଖ୍ଯାରେ ଉପସ୍ଥିତ ଯୁବ ପରିଷଦର କାର୍ଯ୍ୟକର୍ତ୍ତା ମାନେ ଅନେକ ପ୍ରସଙ୍ଗ ଉପରେ ଆଲୋଚନା କରି ୫ଟି ପ୍ରମୁଖ ଦାବି କୁ ସର୍ବ ସମ୍ମତି କ୍ରମେ ସଭାରେ ଅନୁମୋଦିତ କରା ଯାଇଥିଲା ।ପ୍ରମୁଖ ଦାବୀ ଗୁଡିକ ମଧ୍ୟରେ ସଂପୂର୍ଣ୍ଣ ଗନ୍ଧମାର୍ଦ୍ଦନ ପାହାଡକୁ  ଇକୋ ସେନସେଟିଭ ଜୋନ ଘୋଷଣା କରିବା ପାଇଁ ରାଜ୍ୟ ସରକାର କେନ୍ଦ୍ର କୁ ପ୍ରସ୍ତାବ ଦେବା,ନୃସିଂହନାଥ ଓ ହରିଶଙ୍କର ପର୍ଯ୍ଯଟନ ସ୍ଥଳି କୁ ଜାତୀୟ ପର୍ଯ୍ଯଟନ ସ୍ଥଳିର ମାନ୍ଯତା ଦେବା,ଗନ୍ଧମାର୍ଦ୍ଦନ ପର୍ବତରେ ଉପଲବ୍ଧ ୨୨ଶହ ଦୁର୍ଲିଭ ବନୌଷଧି କୁ ଆଧାର କରି ଔଷଧ ନିର୍ମାଣ ର ପ୍ରକଳ୍ପ ସ୍ଥାପନ କରିବା,ଐତିହାସିକ ଙ୍କ ମତ ଅନୁଯାୟୀ ଗୌତମ ବୃଦ୍ଧଙ୍କ ପଟ୍ଟଶିଷ୍ଯ ନାଗାର୍ଜୁନଙ୍କ ଦ୍ବାରା ଗନ୍ଧମାର୍ଦ୍ଦନରେ ପ୍ରତିଷ୍ଠିତ ହୋଇଥିବା  " ବୌଦ୍ଧ ବିଶ୍ବ ବିଦ୍ୟାଳୟ " ପରିସରକୁ ଚିହ୍ନଟ କରି ତାକୁ ଐତିହାସିକ ପୀଠ ର  ମାନ୍ଯତା ଦେବା, " ପଣ୍ତିଆନି ଘର " ଯେଉଁ ଠାରୁ ୨ ଶହ ବର୍ଷ ଧରି ନୃସିଂହନାଥ  ମନ୍ଦିର ପରି ଚାଳିତ ହେଉଥିଲା ତାହା ଏବେ ଧ୍ବଂସ ମୁଖରେ,ଏହାର ସୁରକ୍ଷା କରାଯିବା  । ଏହି ଦାବି ଗୁଡିକ ରାଜ୍ୟ ଓ କେନ୍ଦ୍ର ସରକାରଙ୍କ ଠାରେ ଉପସ୍ଥାପନ କରିବା ପାଇଁ ସ୍ଥିର କରାଗଲା  । ପୂର୍ବତନ ବିଧାୟକ ଶ୍ରୀ ପ୍ରଦୀପ ପୁରୋହିତ ପ୍ରତିଷ୍ଠା ଦିବସର ମୁଖ୍ୟ ଅତିଥି ଭାବେ ଯୋଗଦେଇ  ଅତିତରେ ଗନ୍ଧମାର୍ଦ୍ଦନ ଖଣି ପ୍ରକଳ୍ପ ବିରୋଧ ଚାଲିଥିବା ଆନ୍ଦୋଳନ ଓ ଜନମତ କୁ ସମ୍ମାନ ଜଣାଇ ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ଜାନକୀ ବଲ୍ଲଭ ପଟ୍ଟନାୟକ ଓ ସ୍ବର୍ଗତ ବିଜୁ ପଟ୍ଟନାୟକ ଗନ୍ଧମାର୍ଦ୍ଦନ ପର୍ବତରେ ଖଣି ପ୍ରକଳ୍ପ କୁ ବାତିଲ କରିଥିବାରୁ ଓଡିଶା ବାସୀଙ୍କ ଠାରେ ସେମାନେ ଚିର ସ୍ମରଣୀୟ ବୋଲି ଅଭିମତ ଦେବା ସହ ବତ୍ତର୍ମାନ ର ମୁଖ୍ୟମନ୍ତ୍ରୀ ଶ୍ରୀ ଯୁକ୍ତ ନବୀନ ପଟ୍ଟନାୟକ ବେଦାନ୍ତ ଜରିଆରେ ଗନ୍ଧମାର୍ଦ୍ଦନ ରେ ପୁନଃ ଖଣି ଖୋଲିବା ପାଇଁ ଷଡଯନ୍ତ୍ର କରୁଥିବା ରୁ ତାର ଦୃଢ ନିନ୍ଦା କରିଥିଲେ  । ପ୍ରତିଷ୍ଠା ଦିବସ ଅବସରରେ ଗନ୍ଧମାର୍ଦ୍ଦନ ଆନ୍ଦୋଳନ କାରୀ ଶ୍ରୀ ରଘୁବୀର ସିଂ ବରିହା,ଦୁର୍ଯ୍ୟୋଧନ ପୁଟା,ଧିରେନ ମହାନ୍ତି, ସୌକିଲାଲ ସାହୁ, ରାଜେନ୍ଦ୍ର ସେଠ,ରାହାସ ବିହାରୀ ସାହୁ, ଡମ୍ବରୁ ଧର ରଣା,ସୁବୋଧ ପଣ୍ତା, ଲୋଚନ ପ୍ରଧାନ,ଗଣେଶ ମହଲା,କୈଲାସ ଦିଶ୍ରୀ,ବଳରାମ ସାହୁ, ରାଜେନ୍ଦ୍ର ବରିହା,ସୁଶାନ୍ତ ପଣ୍ତା, କର୍ତ୍ତନ ଦାଉ,ଦୟାନନ୍ଦ ମାଝୀ ଆଦି ଆଲୋଚନା ରେ ସକ୍ରିୟ ଅଂଶଗ୍ରହଣ କରିଥିଲେ  । ଖପ୍ରାଖୋଳ,ନୁଆଁପଡା, ବଲାଙ୍ଗୀର, ପାଟଣାଗଡ, ପଦ୍ମପୁର ଅଞ୍ଚଳର ଯୁବ ପରିଷଦ ସକ୍ରିୟ ସଦସ୍ୟ ମାନେ ଏହି ପ୍ରତିଷ୍ଠା ଦିବସରେ ସାମିଲ ହୋଇଥିଲେ  ।