ନୂଆଦିଲ୍ଲୀ (ଏଜେନ୍ସି) : ପାକିସ୍ତାନୀ ଗୁପ୍ତଚର ଏଜେନ୍ସି ଆଇଏସଆଇ ଅଗଷ୍ଟ ୫ ରେ ଉତ୍ତରପ୍ରଦେଶର ଅଯୋଧ୍ୟାରେ ରାମ ଜନ୍ମ ଭୂମିରେ ଆତଙ୍କବାଦୀ ଆକ୍ରମଣ କରିବାକୁ ଯୋଜନା କରୁଛି ବୋଲି ମଙ୍ଗଳବାର (ଜୁଲାଇ 28) ରେ ଗୁଇନ୍ଦା ସଂସ୍ଥା ସୂତ୍ରରୁ ପ୍ରକାଶ।
ଗୁପ୍ତଚର ଏଜେନ୍ସି ର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଆଇଏସ୍ଆଇ ଆଫଗାନିସ୍ତାନରେ ଲସ୍କର ଏବଂ ଜୈସ ଆତଙ୍କବାଦୀଙ୍କୁ ଏହି ଆକ୍ରମଣ ଆରମ୍ଭ କରିବାକୁ ତାଲିମ ଦେଉଥିଲା। ପାକିସ୍ତାନୀ ଏଜେନ୍ସି ଅଯୋଧ୍ୟାରେଏହି ଆକ୍ରମଣ ପାଇଁ ତିନି ରୁ ପାଞ୍ଚ ଗୋଷ୍ଠୀ ଆତଙ୍କବାଦୀ ପଠାଇବାକୁ ଯୋଜନା କରିଥିଲା।
ଭାରତୀୟ ଗୁପ୍ତଚର ସଂସ୍ଥା ପ୍ରକାଶ କରିଛି ଯେ ପାକିସ୍ତାନ ଚାହୁଁଛି ଯେ ଆତଙ୍କବାଦୀ ଗୋଷ୍ଠୀ ପୃଥକ ଆକ୍ରମଣ କରନ୍ତୁ ଏବଂ ଏହା ଭାରତ ମଧ୍ୟରେ ଆଭ୍ୟନ୍ତରୀଣ ଆକ୍ରମଣ ଭଳି ପ୍ରତୀୟମାନ ହେବ | ଭିଭିଆଇପିମାନେ ଆତଙ୍କବାଦୀଙ୍କ ଟାର୍ଗେଟରେ ରହିବେ ଯାହାଦ୍ୱାରା ଏହି ଆକ୍ରମଣର ପ୍ରଭାବ ଅଧିକ ଅନୁଭୂତ ହେବ।
ଏହି ସୂଚନାକୁ ଦୃଷ୍ଟିରେ ରଖି ଦିଲ୍ଲୀ, ଅଯୋଧ୍ୟା ଏବଂ କାଶ୍ମୀରରେ ଏଭଳି କାର୍ଯ୍ୟକଳାପ ଉପରେ ନଜର ରଖିବା ପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି। ସୂଚନାଯୋଗ୍ୟ ଯେ ଅଗଷ୍ଟ ୫ ତାରିଖ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଯୋଧ୍ୟାରେ ରାମ ଜନ୍ମଭୂମି ତଥା ରାମ ମନ୍ଦିରର ଆଧାର ଶିଳା ରଖିବେ | ଉଲ୍ଲେଖଯୋଗ୍ୟ, ଗତବର୍ଷ ଏହି ଏକା ରା଼ରିଖରେ କାଶ୍ମୀରରୁ ୩୭୦ ଧାରା ଉଛେଦ କରାଯାଇଥିଲା।
