• ଚିଠି ଲେଖି ଅନୁରୋଧ କରିଥିଲେ ଉଚ୍ଚ ଶିକ୍ଷାମନ୍ତ୍ରୀ , ହେଲେ ଏଯାଏଁ ମିଳିଲାନି  ଉତ୍ତର 

• ପୁଣି ଥରେ ପତ୍ର ଲେଖି  କେନ୍ଦ୍ର ମାନବସମ୍ବଳ ବିକାଶ ମନ୍ତ୍ରୀଙ୍କୁ ଅରୁଣ କରାଇ ଦେଲେ ସ୍ମରଣ

• ଛାତ୍ର ଛାତ୍ରୀଙ୍କ ସ୍ୱାର୍ଥ ଓ ନିରାପତ୍ତା ଦୃଷ୍ଟିରୁ  ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା ବିକଳ୍ପ ମୂଲ୍ୟାୟନ ନିଷ୍ପତ୍ତିକୁ ଲାଗୁ କରିବା ପାଇଁ କଲେ ଅନୁରୋଧ 

ଭୁବନେଶ୍ୱର,(ଶାସକ ପ୍ରଶାସକ) : ରାଜ୍ୟରେ କୋଭିଡ୍-୧୯ ସ୍ଥିତିରେ ରାଜ୍ୟର ହଜାର ହଜାର ଛାତ୍ର ଛାତ୍ରୀଙ୍କ ସ୍ୱାର୍ଥ ଓ ନିରାପତ୍ତା ଦୃଷ୍ଟିରୁ  ୟୁଜିସି ପକ୍ଷରୁ ଅଣ୍ଡରଗ୍ରାଜୁଏଟ୍ ଏବଂ ପୋଷ୍ଟଗ୍ରାଜୁଏଟ୍ ପରୀକ୍ଷା ସଂପର୍କରେ ଜାରି କରାଯାଇଥିବା ପରିବର୍ତ୍ତିତ ମାର୍ଗଦର୍ଶିକାର ପୁନର୍ବିଚାର ପ୍ରସଙ୍ଗରେ କେନ୍ଦ୍ର ମନ୍ତ୍ରୀଙ୍କୁ ପୂର୍ବ ଚିଠିରେ କରିଥିବା ଅନୁରୋଧ ସମ୍ପର୍କରେ ପୁନଃ ପତ୍ର ଲେଖି ସ୍ମରଣ କରାଇଦେଲେ ରାଜ୍ୟ ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ କୁମାର ସାହୁ | ଜୁଲାଇ ୬ ତାରିଖରେ ୟୁଜିସି ପକ୍ଷରୁ ଜାରି ସଂଶୋଧିତ  ମାର୍ଗଦର୍ଶିକାର ପୁନର୍ବିଚାର କରିବା ସହିତ ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା ବିକଳ୍ପ ମୂଲ୍ୟାୟନ ନିଷ୍ପତ୍ତିକୁ ଲାଗୁ କରିବା ସକାଶେ ଉଚ୍ଚଶିକ୍ଷାମନ୍ତ୍ରୀ ଆଜି ଲେଖିଥିବା ପତ୍ରରେ ପୁଣି ଅନୁରୋଧ କରିଛନ୍ତି ମନ୍ତ୍ରୀ ଡ଼ ସାହୁ |

  ସୂଚନାଯୋଗ୍ୟ ଯେ, ଜୁଲାଇ ୯ ତାରିଖରେ ଏହି ମର୍ମରେ ମନ୍ତ୍ରୀ ଡ. ସାହୁ କେନ୍ଦ୍ର ମାନବସମ୍ବଳ ବିକାଶ ମନ୍ତ୍ରୀଙ୍କୁ ଏକ ପତ୍ର ଲେଖିଥିଲୋ ସେହି ପତ୍ରରେ  ରାଜ୍ୟରେ ଅଣ୍ଡରଗ୍ରାଜୁଏଟ୍ ଏବଂ ପୋଷ୍ଟଗ୍ରାଜୁଏଟ୍ ଶେଷବର୍ଷ ସେମିଷ୍ଟାର ପରୀକ୍ଷା ବାଧ୍ୟତାମୂଳକ କରାଯାଇଥିବା ପରିପ୍ରେକ୍ଷୀରେ ୟୁଜିସିର ମାର୍ଗଦର୍ଶିକାର ପୁନର୍ବିଚାର କରିବା ସହିତ ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା ବିକଳ୍ପ ମୂଲ୍ୟାୟନ ନିଷ୍ପତ୍ତିକୁ ଲାଗୁ କରିବା ପାଇଁ ଅନୁରୋଧ ଜଣାଇ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ମାନବସମ୍ବଳ ବିକାଶ ମନ୍ତ୍ରୀ ଶ୍ରୀ ରମେଶ ପୋଖରିଓ୍ୱାଲ୍ ନିଶଙ୍କଙ୍କୁ ଅନୁରୋଧ କରିଥିଲେ |

ମାତ୍ର ଅଦ୍ୟାବଧି  ଲେଖିଥିବା ପତ୍ରର କୌଣସି ଉତ୍ତର ରାଜ୍ୟ ସରକାରଙ୍କୁ ମିଳି ନଥିବା ଫଳରେ ରାଜ୍ୟର ଲକ୍ଷ ଲକ୍ଷ ଛାତ୍ରଛାତ୍ରୀ ଏବଂ ଅଭିଭାବକମାନେ ପରୀକ୍ଷା ସଂପର୍କରେ ଘୋର ଅନିଶ୍ଚିତତା ମଧ୍ୟରେ ଗତି କରୁଛନ୍ତିା ରାଜ୍ୟ ସରକାର ଏବଂ ରାଜ୍ୟର ବିଶ୍ୱବିଦ୍ୟାଳୟଗୁଡ଼ିକ ମଧ୍ୟ ପରୀକ୍ଷା ସଂପର୍କରେ ଦ୍ୱନ୍ଦରେ ରହିଛନ୍ତିା ଏହି ପରିପ୍ରେକ୍ଷୀରେ ମନ୍ତ୍ରୀ ଡ. ସାହୁ ଆଜି କେନ୍ଦ୍ର ମନ୍ତ୍ରୀଙ୍କୁ ଆଉ ଏକ ପତ୍ର ଲେଖିଛନ୍ତିା 

ମନ୍ତ୍ରୀ ଡ. ସାହୁ ତାଙ୍କ ପତ୍ରରେ ଉଲ୍ଲେଖ କରିଛନ୍ତି ଯେ ଜୁଲାଇ ୯ ତାରିଖରେ ଲେଖିଥିବା ପତ୍ରର ପ୍ରାୟ ୧୫ ଦିନ ମଧ୍ୟରେ ଭାରତ ତଥା ରାଜ୍ୟର କୋଭିଡ୍-୧୯ ସ୍ଥିତି ଅଧିକ ଜଟିଳ ହୋଇଛିା ଆଗାମୀ ମାସଗୁଡ଼ିକରେ ଏହା ଆହୁରି  ଅଧିକ  ବ୍ୟାପକ ହେବାର ଆଶଙ୍କା ରହିଛିା ଏପରି ସ୍ଥିତିରେୟୁଜିସିର ପରିବର୍ତ୍ତିତ ମାର୍ଗଦର୍ଶିକା ଅନୁଯାୟୀ ଅଣ୍ଡରଗ୍ରାଜୁଏଟ୍ ଏବଂ ପୋଷ୍ଟଗ୍ରାଜୁଏଟ୍ ଶେଷବର୍ଷ ସେମିଷ୍ଟାର ପରୀକ୍ଷା କରାଇବା ସମ୍ଭବ ଏବଂ ସମୀଚିନ ନୁହୋଁ ରାଜ୍ୟର ପ୍ରାୟ ୨ ଲକ୍ଷ ଅଣ୍ଡରଗ୍ରାଜୁଏଟ୍ ଏବଂ ପୋଷ୍ଟଗ୍ରାଜୁଏଟ୍ ଛାତ୍ରଛାତ୍ରୀ ନିମ୍ନ ଏବଂ ମଧ୍ୟବିତ୍ତ ପରିବାରର ଏବଂ ସେମାନଙ୍କ ନିକଟରେ କମ୍ପ୍ୟୁଟର, ଲ୍ୟାପ୍ଟପ୍ କିମ୍ବା ସ୍ମାର୍ଟଫୋନ୍ ନଥିବା ଏବଂ ଗ୍ରାମାଞ୍ଚଳରେ ରହୁଥିବା ଦୃଷ୍ଟିରୁ ଉନ୍ନତ ଇଣ୍ଟରନେଟ୍ ସୁବିଧା ଅଭାବରୁ ଅନ୍ଲାଇନ୍ ମାଧ୍ୟମରେ ପରୀକ୍ଷା ଦେବା ସମ୍ଭବ ନୁହୋଁ ଏଥି ସହିତ ଖାତାକଲମରେ କ୍ଲାସ୍ରୁମ୍ରେ ପରୀକ୍ଷା ଦେବା ଦ୍ୱାରା ସଂକ୍ରମଣର ଆଶଙ୍କା, ସୀମିତ ହଷ୍ଟେଲରେ ଛାତ୍ରଛାତ୍ରୀମାନଙ୍କର ସାମାଜିକ ଦୂରତ୍ୱ ରକ୍ଷା ନ କରି ପାରିବା, ସାଧାରଣ ପରିବହନ ବ୍ୟବସ୍ଥା ସ୍ୱାଭାବିକ ନ ହେବା, ବେସରକାରୀ ଭଡ଼ାଘରେ ରହୁଥିବା ଛାତ୍ରଛାତ୍ରୀଙ୍କୁ ଘର ମାଲିକ କୋଭିଡ୍-୧୯ ଆଶଙ୍କାରେ ଘରେ ରହିବାକୁ ଅନୁମତି ନଦେବା, ଅନେକ ମହାବିଦ୍ୟାଳୟଗୁଡ଼ିକୁ ଜିଲ୍ଲା ପ୍ରଶାସନ ଦ୍ୱାରା କ୍ୱାରାଣ୍ଟାଇନ୍ ସେଣ୍ଟର, କୋଭିଡ୍ କେୟାର ହୋମ୍, କୋଭିଡ୍ କେୟାର ସେଣ୍ଟର, କୋଭିଡ୍ କେୟାର ହସ୍ପିଟାଲ୍ରେ ପରିଣତ କରିବା ଆଦି କାରଣ ଯୋଗୁଁ ସେପେଫମ୍ବର ୨୦୨୦ ସୁଦ୍ଧା ଅଣ୍ଡରଗ୍ରାଜୁଏଟ୍ ଏବଂ ପୋଷ୍ଟଗ୍ରାଜୁଏଟ୍ ଶେଷବର୍ଷ ସେମିଷ୍ଟାର ପରୀକ୍ଷା କରାଇବା ସମ୍ଭବପର ହେବ ନାହିଁ ବୋଲି ମନ୍ତ୍ରୀ ଡ. ସାହୁ ତାଙ୍କ ପତ୍ରରେ ଉଲ୍ଲେଖ କରିଛନ୍ତିା 

ସଂପ୍ରତି ଭାରତବର୍ଷରେ କୋଭିଡ୍-୧୯ ସ୍ଥିତି ଖରାପ ଆଡ଼କୁ ଗତି କରୁଥିବା ପରିପ୍ରେକ୍ଷୀରେୟୁଜିସି ମାର୍ଗଦର୍ଶିକା ଅନୁଯାୟୀ ସେପେଫମ୍ବର ୨୦୨୦ ସୁଦ୍ଧା କରାଯିବାକୁ ଥିବା ପରୀକ୍ଷା ବିଳମ୍ବ ହୋଇପାରୋ ସେପରି କ୍ଷେତ୍ରରେ ଶିକ୍ଷାବର୍ଷ ସଂପୂର୍ଣ୍ଣ ଭାବେ ବାଧାପ୍ରାପ୍ତ ହେବା ସହିତ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ଭବିଷ୍ୟତ କ୍ଷତିଗ୍ରସ୍ତ ହେବାର ସମ୍ଭାବନା ରହିଛିା

ଏଥିସହିତ ଇଣ୍ଟରମିଡିଏଟ୍ ବର୍ଷ/ସେମିଷ୍ଟାର ଛାତ୍ରଛାତ୍ରୀଙ୍କ କ୍ଷେତ୍ରରେ ଯଦି ବିକଳ୍ପ ମୂଲ୍ୟାୟନ ବ୍ୟବସ୍ଥା ଗ୍ରହଣ ହୋଇପାରିଛି, ତେବେ ଶେଷବର୍ଷ/ସେମିଷ୍ଟାର ଛାତ୍ରଛାତ୍ରୀମାନଙ୍କ ପାଇଁ ମଧ୍ୟ ଏହାକୁ ଗ୍ରହଣ କରିବା ଆବଶ୍ୟକା ଯେଉଁ ସୀମିତ ସଂଖ୍ୟକ ଛାତ୍ରଛାତ୍ରୀ ବିକଳ୍ପ ମୂଲ୍ୟାୟନ ବ୍ୟବସ୍ଥାରେ ସନ୍ତୁଷ୍ଟ ହେବେ ନାହିଁ, ସେମାନେ କୋଭିଡ୍ ସ୍ଥିତି ସୁଧୁରିଲେ ନଭେମ୍ବର/ଡିସେମ୍ବର ମାସରେ ପରୀକ୍ଷା ଦେବାକୁ ନିଶ୍ଚିତ ଏକ ସୁଯୋଗ ପାଇବୋ ବିକଳ୍ପ ମୂଲ୍ୟାୟନ ବ୍ୟବସ୍ଥାରେ ଶେଷବର୍ଷ/ସେମିଷ୍ଟାର ଫଳ ୨୦୨୦ ଅଗଷ୍ଟ ୩୧ ସୁଦ୍ଧା ଘୋଷଣା କରାଯାଇପାରିବ, ଯଦ୍ଦ୍ୱାରା ଶିକ୍ଷାବର୍ଷ ବାଧାପ୍ରାପ୍ତ ହେବ ନାହିାଁ 

ଏହି ପରିପ୍ରେକ୍ଷୀରେ ଜୁନ୍ ୧୮ ତାରିଖରେ ରାଜ୍ୟର ବିଶ୍ୱବିଦ୍ୟାଳୟଗୁଡ଼ିକର କୁଳପତିମାନଙ୍କ ସହିତ ଅନୁଷ୍ଠିତ ବୈଠକରେ ଛାତ୍ରଛାତ୍ରୀଙ୍କ ହିତ ଦୃଷ୍ଟିରୁ ଅଣ୍ଡରଗ୍ରାଜୁଏଟ୍ ଏବଂ ପୋଷ୍ଟଗ୍ରାଜୁଏଟ୍ ଶେଷ ବର୍ଷ ସେମିଷ୍ଟାର ପରୀକ୍ଷାକୁ ବାତିଲ କରି ବିକଳ୍ପ ମୂଲ୍ୟାୟନ ବ୍ୟବସ୍ଥା ମାଧ୍ୟମରେ ଶେଷବର୍ଷ ଫଳ ପ୍ରକାଶନ ନିମନ୍ତେ ନିଆଯାଇଥିବା ନିଷ୍ପତ୍ତିକୁ ଲାଗୁ କରିବା ପାଇଁ ଅନୁମତି ପ୍ରଦାନ ସହୟୁଜିସି ପକ୍ଷରୁ ଜାରି କରାଯାଇଥିବା ପରିବର୍ତ୍ତିତ ମାର୍ଗଦର୍ଶିକାର ପୁନର୍ବିଚାର କରିବା ପାଇଁ ମନ୍ତ୍ରୀ ଡ. ସାହୁ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ ଜଣାଇଛନ୍ତିା