ହରଭଙ୍ଗା/ପ୍ରତାପ ମେହେର : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ବାମଣ୍ଡା ଗ୍ରାମ ପଂଚାୟତର ବିରିଗଡ ଗ୍ରାମ ବନ୍ୟା ଦେଖିବାକୁ ମିଳିଛି । ନିକଟସ୍ଥ ପାହାଡର ବର୍ଷା ଜଳ ପଶି ବନ୍ୟା ପରିସ୍ଥିତି ସୃଷ୍ଟି ହୋଇଛି । ଗାଁ ଭିତରେ ବନ୍ୟା ପରି ଜଳ ସ୍ରୋତ ଦେଖିବାକୁ ମିଳିଛି । ମନୁଷ୍ୟକୃତ ବନ୍ୟା ଯୋଗୁଁ ଗାଁ ପାଣି ଘେରରେ ରହିଥିବା ବେଳେ କିଛି ଘର ଭିତରେ ଆଣ୍ଠୁଏ ଆଣ୍ଠୁଏ ପାଣି ହେଇଛି ।
ମିଳିଥିବା ସୂଚନା ଅନୁଯାୟୀ ବର୍ଷବର୍ଷ ଧରି ଯେଉଁ ବାଟ ଦେଇ ପାହାଡ ଜଙ୍ଗଲରୁ ଆସୁଥିବା ବର୍ଷା ଜଳ ନିଷ୍କାସନ ହେଉଥିଲା ଚଳିତ ବର୍ଷ ଅବରୋଧ ହୋଇଛି । ଯାହା ଫଳରେ ସମସ୍ତ ପାଣି ଗାଁ ଏବଂ ଘର ଭିତରେ ପଶିଚି । ନିଷ୍କାସନ ହୋଇନପାରି ଗ୍ରାମ ମଧ୍ୟରେ ପ୍ରବେଶ କରୁଛି । ଫଳରେ ବର୍ଷା ଯୋଗୁଁ ବିରିଗଡ ଗ୍ରାମରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ସେଥିପାଇଁ ଗ୍ରାମରେ ଡ୍ରେନ ନିର୍ମାଣ କାର୍ଯ୍ୟ କରାଯିବାକୁ କିମ୍ବା ଜଳ ନିଷ୍କାସନ ପାଇଁ ଅନ୍ୟ କୌଣସି ବିକଳ୍ପ ବ୍ୟବସ୍ଥା କରିବାକୁ ଗ୍ରାମବାସୀ ଦାବୀ କରିଛନ୍ତି
