ଆଶଙ୍କିତ ଗୋଷ୍ଠୀ ସଂକ୍ରମଣ ଦ୍ୱାରଦେଶରେ ଓଡିଶା !
କରୋନା ନେଲା ୨ ଜୀବନ | ମୃତ୍ୟବରଣ କରିଥିବା ଦୁଇଜଣଯାକ ଗଂଜାମ ଜିଲ୍ଲାରୁ |
ଭୁବନେଶ୍ୱର (ଶାସକ ପ୍ରଶାସକ) ଆଜି ହୋଇଛି ବିସ୍ଫୋରଣ | କରନା ଆଜି କରିଛି ସମସ୍ତଙ୍କୁ ଛାନିଆ | ବଢ଼ାଇ ଦେଇଛି ଚିନ୍ତା | ଆଶଙ୍କିତ ଗୋଷ୍ଠୀ ସଂକ୍ରମଣ ଦ୍ୱାରଦେଶରେ ଓଡିଶା | ଆଜି ରାଜ୍ୟରେ ଚିହ୍ନଟ ହୋଇଛନ୍ତି ରେକର୍ଡ ପରିମାଣର ୫୬୧ ନୂଆ କରୋନା ଆକ୍ରାନ୍ତ | ସେମାନଙ୍କ ମଧ୍ୟରୁ ୪୨୫ ଜଣ କ୍ଵାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ଉଦ୍ବେଗଜନକ ଭାବେ ୧୩୬ ଜଣ ସର୍ବସାଧାରଣ ଅଂଚଳରୁ ଚିହ୍ନଟ ହୋଇଛନ୍ତି | ଆଜି ଆକ୍ରାନ୍ତଙ୍କୁ ମିଶାଇ ରାଜ୍ୟରେ କରୋନା ପହିତିଭ ସଂଖ୍ୟା ୮୧୦୬ .ରେ ପହଁଚିଥିବା ବେଳେ ସୁସ୍ଥ ହୋଇଛନ୍ତି ୫୫୦୨ ଜଣ | ରାଜ୍ୟରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ଆଜିର ଆକ୍ରାନ୍ତଙ୍କୁ ମିଶାଇ ୨୫୬୭ରେ ପହଂଚିଛି | ଆଜି ପୁଣି କରୋନା ନେଇଛି ୨ ଜୀବନ | ମୃତ୍ୟବରଣ କରିଥିବା ଦୁଇଜଣଯାକ ଗଂଜାମ ଜିଲ୍ଲାରୁ | ଏହାଫଳରେ କରୋନା ଜନିତ ମୃତ୍ୟୁସଂଖ୍ୟା ୨୯ରେ ପହଂଚିଛି |
ଆଜି ଆକ୍ରାନ୍ତଙ୍କ ମଧ୍ୟରେ ସର୍ବାଧିକ ଗଂଜାମରୁ ୨୮୩ ଚିହ୍ନଟ ହୋଇଥିବା ବେଳେ କଟକ ରୁ ୮୧ଜଣ ଓ ସବା ଶେଷରେ କରନା କବଳକୁ ଆସିଥିବା ରାୟଗଡାରୁ ଏକକାଳୀନ ୭୬ ଜଣ ଚିହ୍ନଟ ହୋଇଛନ୍ତି | ସେହି ପରି ବରଗଡ ୨୧, ବଲାଙ୍ଗୀର ୧୯, ସୁନ୍ଦରଗଡ, ଯାଜପୁର ଓ ଢେଙ୍କାନାଳ ରୁ ୩ ଲେଖାଏ, ଜଗତସିଂହପୁର ୬, ଝାରସୁଗୁଡା ଓ କେନ୍ଦ୍ରାପଡାରୁ ୨ଜଣ ଲେଖାଏ , କଳାହାଣ୍ଡି ୫, କେନ୍ଦୁଝର ୬, ଖୋର୍ଦ୍ଧା ୨୬, କୋରାପୁଟ ୪, ମୟୁରଭଞ୍ଜ ୧୦, ପୁରୀ, ଭଦ୍ରକରୁ ଜଣେ ଲେଖାଏ, ସମ୍ବଲପୁର ୮ଜଣ NDRF ରୁ ଜଣେ ଚିହ୍ନଟ ହୋଇଛନ୍ତି |
