ସମ୍ବଲପୁର (ରମାକାନ୍ତ ବିଶ୍ବାଳ ) ଚାଉଁରପୁର ମହାନଦୀ ବ୍ରିଜ୍‌ରେ ୩ ବର୍ଷ ର ଝିଅକୁ ଧରି ମହାନଦୀକୁ ଡେଇଁପଡ଼ିଲେ ମା’ l ଅଗ୍ନିଶମ ବିଭାଗ ର ତଲାସ ଜାରୀ l  ପାରିବାରିକ କଳହକୁ କେନ୍ଦ୍ରକରି ମହିଳା ଓ ତାଙ୍କ ଶିଶୁ କନ୍ୟାକୁ ଧରି ନଦୀଗର୍ଭକୁ ଡେଇଁ ପଡ଼ିଥିବା ଆଶଙ୍କା କରାଯାଉଛି l ନିଖୋଜ ମହିଳା ହେଲେ ସମ୍ବଲପୁର ଜିଲ୍ଲା ଧମା ଥାନା ଧମାର ପୂଜା ଅଗ୍ରୱାଲ (୨୯) ଓ ଝିଅ ସୁମି (୩)। ପରିବାର ଲୋକଙ୍କ ଅଭିଯୋଗ କ୍ରମେ ଟାଉନ୍‌ ଥାନାରେ ଏକ ନିଖୋଜ ମାମଲା ରୁଜୁ ହୋଇ ତନାଘନା ଆରମ୍ଭ ହୋଇଛି। ଆଜି ସକାଳୁ  ଅଗ୍ନିଶମ କର୍ମଚାରୀ ଖୋଜାଖୋଜି କରିଥିଲେ ତେବେ ସନ୍ଧ୍ୟା  ହୋଇଯିବାରୁ ଉଦ୍ଧାର କାର୍ଯ୍ୟ ସ୍ଥଗିତ ରଖିଛି। ବୁଧବାର  ସକାଳୁ ପୁଣିଥରେ ଉଦ୍ଧାର କାର୍ଯ୍ୟ ଆରମ୍ଭ ହେବ ବୋଲି ଜଣାପଡ଼ିଛି। ଧମା ନିବାସୀ ସରୋଜ ଅଗ୍ରୱାଲଙ୍କ ଝିଅ ପୂଜା କଳାହାଣ୍ଡି ଜିଲ୍ଲା କେସିଙ୍ଗାସ୍ଥିତ ଶକ୍ତି ଏଣ୍ଟରପ୍ରାଇଜେସ୍‌ ମାଲିକ ବରୁଣ ଅଗ୍ରୱାଲଙ୍କୁ ୪ ବର୍ଷ ତଳେ ବିବାହ କରିଥିଲେ। ତାଙ୍କର ଏକ ୩ ବର୍ଷର ଶିଶୁକନ୍ୟା ମଧ୍ୟ ରହିଛି। ୫ ଦିନ ହେବ ପୂଜା ବାପଘରକୁ ବୁଲିବାକୁ ଆସିଥିଲେ। ରବିବାର ସନ୍ଧ୍ୟାରେ ସେ ଘରୁ ବାହାରି କୌଣସି ଆଡ଼େ ବୁଲିବାକୁ ଯାଇ ବିଳମ୍ବିତ ରାତିରେ ଘରକୁ ଫେରିଥିଲେ l ସୋମବାର  ସକାଳୁ  ପୁଣି ଦିନ ୧୨ଟା ସମୟରେ ଝିଅକୁ ବୁଲେଇବାକୁ ନେଉଛି କହି ପୂଜା ଘରୁ ବାହାରିଥିଲେ। ଏହାପରେ ସେ ଆଉ ଘର ଲୋକଙ୍କ ସହ ଯୋଗାଯୋଗ ବି କରିନଥିଲେ। ‌ ଦିନ ପ୍ରାୟ ୩ଟା ପରଠାରୁ ପୂଜା ନେଇ ଆସିଥିବା ଚାବି ଲଗା ସ୍କୁଟି ପ୍ଲେଜର (ଓଡି ୧୫ କ୍ୟୁ ୩୫୫୬), ହଳେ ଚପଲ ଓ ଗୋଟିଏ ମୋବାଇଲ ବ୍ରିଜ ଉପରେ ଥୁଆ ହୋଇଥିବା ଦେଖିବାକୁ ମିଳିଥିଲା। ଏନେଇ ପୁଲିସ୍‌କୁ ସୂଚନା ମିଳିବା ପରେ ଗାଡ଼ି ନମ୍ବର ଆଧାରରେ ଯାଞ୍ଚ କରାଯିବା ପରେ ଗାଡ଼ିଟି ଧମାର ବିବେକ ଅଗ୍ରୱାଲଙ୍କ ନାମରେ ଥିବା ଜଣାପଡ଼ିଥିଲା।