ପଦ୍ମପୁର,(shasak prashasak)  ନିଜର ପେଟପାଟଣା ପାଇଁ ଗାଁ ଗାଁ ବୁଲି ସର୍ବ ମଙ୍ଗଳା ଠାକୁରାଣୀ ଦେଖାଉଥିବା ସୁରେନ୍ଦ୍ର ରାଉତ, ତାଙ୍କ ପୁଅ ବୋହୁ,ଝିଅ ଜ୍ବାଇଁ,ନାତି ନାତୁଣୀ ଲକ୍ ଡାଉନ ପରେ ପାଦ ଥାପି ହୋଇ ଯାଇଛି । ୯ଜଣ ଶିଶୁ ମଧ୍ୟ ରହିଛନ୍ତି । ଖାଇବା ପାଇଁ ନ ପାଇ ବିକଳ କ୍ରନ୍ଦନ କରୁଥିଲେ । ଖବର ପାଇ ପଦ୍ମପୁର ଉପଖଣ୍ତ ଧୁମାଭଟା ଛକ ଠାରେ ଥିବା ପ୍ରଫୁଲ୍ଲ ମାକର,ରାମ ଡନସନା,ଚିତ୍ତରଂଜନ ଡନସନା,ଅକ୍ଷୟ ବାଗ,ସୁଶାନ୍ତ ସାହୁ,ସମାରୁ ଧରୁଆ ଓ ଅନ୍ୟମାନେ ସହଯୋଗର ହାତ ବଢାଇଥିଲେ । ଚାଉଳ,ଡାଳି,ପନିପରିବା,ଲୁଣ,ସାବୁନ ,ଅତ୍ୟାବଶ୍ୟକ ସାମଗ୍ରୀ ଦେଇଥିଲେ । ସୂଚନା ଯୋଗ୍ୟ ଯେ,ଏହି ପରିବାର ସଦସ୍ୟମାନେ ନିଜର ଜନ୍କଭୂମି ବରଗଡ ନିକଟସ୍ଥ ସୟାଁ ଗ୍ରାମର । ସେଠାରେ ମଧ୍ୟ ମୁଣ୍ତ ଗୁଂଜିବା ପାଇଁ ଜାଗା ନାହିଁ । ତେଣୁ ବାଧ୍ୟହୋଇ ବର୍ଷ ସାରା ବାହାରେ ରହି ସର୍ବ ମଙ୍ଗଳା ଦେଖାଇ ଜୀବନ ଜୀବିକା ନିର୍ବାହ କରନ୍ତି। ସେମାନେ କହନ୍ତି ଯେ ,ଗାଁରେ ଭିଟାମାଟି ନାହିଁ,ମଜୁରୀ କରିଯିବା କାମ ନାହିଁ । ବରଂ ଆମେ ଏଠାରେ ଠିକ୍ ଅଛୁଁ।ପ୍ରସାଶନ କୌଣସି ସହଯୋଗ ନ କଲେ ବି ବଦାନ୍ୟ ବ୍ୟକ୍ତି ତାଙ୍କର ଭରଣ ପୋଷଣ କରିବେ ବୋଲି ଘୋଷଣା କରିଛନ୍ତି ।